HOSEA 13 - Tuvalu Revised Bible

Ko te Toe Fakasalaga o Isalaelu

1I aso mua, kafai e faipati te matakaiga o Efalaima, a nisi matakaiga o Isalaelu e ma'taku; e fakasili ne latou a Efalaima. Ka ko ona tino e tapuaki ki a Paala, kae i te feitu tena ka mate ei latou.

2E tumau eiloa te fai agasala o latou, ne faite ne latou a fakatusa ki fiti o tapuaki ki ei, ne tupua e faite ki siliva; ko te mafaufau o te tino e fuafua ei te ata, ka ko ona lima e faite ei te foitino. Oti aka, fai ei olotou pati penei, “Ofo atu ne taulaga ki a latou!” E mafai pefea ne tino o sogi ki tupua kona — tupua e foliga ki pulumakau tagata!

3Tela la, a tino konei ka galo e pela mo te sau i te vaveao, e pela mo te sau tela e matafi atu i te taeao. Ka pela latou me ne kau saito e agina mai i te koga faka'ma saito, e pela me se au e fanake i te fanela.

4Muna a te Aliki, “Au ko te Aliki te otou Atua tela ne aumai ne ia koutou keatea mai Aikupito. E seai se Atua o koutou, na ko au eiloa. Ko au tokotasi ko te otou fakaola.

5

10 ou puapuaga! Te fenua o tino mate, aumai tou fakamataku! Au ka se toe alofa ki te fenua tenei.

15E ui eiloa a Isalaelu e olaola lei e pela me ne mouku, ka fakaagi ne au te matagi vela mai te saegala tela e vau mai te koga lavaki, kae ka faka'masa ne ia a vaitafe foniki mo vaikeli a latou. Ka ave i te matagi tena a mea katoa kola e taua ki a latou.

16A Samalia e tau eiloa o fakasala me ne teke mai ki a au. A ona tino ka mate i te taua; a pepe ka taotao ke pala'pala i te laukele, ka ko fafine faitama ka fafaī olotou tinae.”