IELEMIA 50 - Tuvalu Revised Bible

Ko te Pukega o Papelonia

1 Fai a mea katoa kola ne fakatonu atu ne au. Ko au, te Aliki, tena ne faipati atu.

22A te leo o te taua ko lagona i te fenua, kae ko oko eiloa i te lasi o te fakamaseiga.

23A te lalolagi ne tukipala ne Papelonia, kae nei a Papelonia ko se aoga! A malo katoa ko oko eiloa i te poi i te mea ne tupu ki te fenua tena.

24Papelonia, a koe ne taua mai ki a au, kae ne lavelave koe i te malei tela ne tao ne au ke lave koe i ei, kae e seiloa eiloa ne koe.

25Ko oti ne tala ne au a te koga tela e teu ei aku meatau, kae ko oti ne tapale mai ne au ki tua ona ko toku kaitaua, me i a au, te Aliki Sili i te Malosi, e isi se galuega e fia fai ne au i Papelonia.

26Taua atu ki ei mai i feitu katoa, kae ofa a te koga tela e teu ei ana saito! Fakaputu a mea kona ne fao malo ne koutou e pela me se fakaputuga saito! Ta fakamasei te fenua! Sa fakatoegina eiloa se mea!

27Tamate katoa a olotou sotia! Ta ke mate! A tino Papelonia ko malaia! Ko oko mai eiloa te taimi e tau ei o fakasala latou!”

28(A tino ne sola mai mai Papelonia ne o'mai ki Ielusalema, kae ne fakamatala mai ne latou a te mea ne fai ne te Aliki te motou Atua ki tino Papelonia, o taui te mea ne fai ne latou ki tena Faletapu.)

29 mo manu eva se ma i feitu fakatapuakiga. Ka se toe ai ne tino e nofo i kona, ka se toe ai eiloa ke oko ki te se gata mai.

40Kene 19.24,25 A te mea ka tupu ki Papelonia e pela eiloa mo te mea, ne tupu ki Sotoma mo Komolo, i te taimi ne ta fakamasei ei ne au, fakatasi mo fa'kai i o la tafatafa. E se toe ai ne tino e toe nofo i kona. Ko au, te Aliki, tena ne faipati atu.

41“A tino konei ko o'mai mai i te fenua i matu,

Se malo malosi mai i se koga mao;

E tokouke a tupu ko fakatokatoka mo te taua.

42Ko oti ne puke olotou kausana mo olotou pelu;

A latou ne tino masei kae se alofa.

Kafai e tele mai i olotou solofanua,

E pela eiloa mo te gulu o te tai.

Ko toka o taua mai ki Papelonia.

43A te tupu o Papelonia ko logo i te tala,

Tela la, ko tautau fua ona lima i ona feitu i te vaivai.

Ko oko eiloa i ana manavase,

Kae mae pela me se fafine ka fai o fanau.

44“Au, te Aliki, ka vau o fai a tino Papelonia ke tele fakavave keatea mai i te lotou fa'kai, e pela me se leona tela e ulu mai i te togavao pupu i tafa o te Iolitana o fanatu ki te laukele moukuā kae lauusiusi. Tena la, ko te takitaki tela ne filifili ne au ka pule ne ia a te malo. Ko oi e mafai o fakapau mai ki a au? Ko oi e mafai o fia taua mai ki a au? Ko oi te takitaki e mafai o teke mai ki a au?

45Tela la, fakalogo mai ki te fuafuaga tela ko oti ne fai ne au o teke atu ki Papelonia, mo te mea e mafaufau au o fai ki ona tino. Ke oko foki eiloa ki olotou tamaliki ka toso keatea, ka ko tino katoa ka mataku.

46Kafai ko siga a Papelonia, kae ka paku eiloa i luga, mo te lalolagi ka galulu, mo te tagi o tino ka lagona mai eiloa mai i nisi malo.”