IOPU 3 - Tuvalu Revised Bible

Ko Muimui a Iopu ki te Atua

1

9Taofigina te fetu ao ke se toe maina mai;

Ke seai eiloa se vaveao e fakamoemoegina mō te po tena.

10Fakamalaia atu te po tena,

Me ne talia ne ia ke fanau i ei au,

Ke sae mai ei toku foitino ki puapuaga mo fanoanoaga o te olaga nei.

11Aku muna eiloa ke na mate atu au i te moegatama o toku matua,

Io me mate atu i te taimi eiloa ne fanau ei au.

12Ai a ne sapai ei au ne toku matua i ana vae?

Ai a ne faū ei ne ia a au i ona u?

13Moi ne na mate atu eiloa au i te taimi tena,

Penei e moe fakalei eiloa au,

14E pela mo tupu mo takitaki kola ne toe faite ne latou a palesi taumua.

15E penei, au e moe pela mo pelenise kola ne fakafonu olotou fale ki aulo mo siliva,

16Io me moe pela me se pepe ne fanau mai e se gasue.

17I te tanuga, a tagata amio masei e gata olotou amioga masei;

Mo tino ne galue fita, ko maua ne latou se manavaga tokagamalie.

18Ke oko foki eiloa ki pagota, ko maua ne latou se olaga filemu;

Ko se toe ai ne fakatonuga saua e lagona ne latou.

19A tino katoa e nofo i kona, ko tino takutakua mo tino se takutakua,

Mo pologa ko maua foki ne latou se saolotoga i kona.

20Ai a e fakatumau ei te ola i tagata ko puapuaga?

Ai a e avatu ei te mainaga ki tino fanoanoa?

21 Faka 9.6 E fakatalitali latou ki te mate, kae e se mafai eiloa o oko atu;

Ko sili atu i a latou a te tanuga i lo so se koloa.

22Ko seai eiloa se fiafia i a latou, vagana fua ke na mate latou ko ave ei o tanu;

23E se fakaasi eiloa ne te Atua ki a latou a te lotou olaga i aso fakamuli,

Kae sai ne ia latou mai i olotou feitu katoa.

24Au ko se kai kae ko tagi faeloa, ko se gata eiloa toku tagi.

25A mea ne mataku ki ei au ko taunu katoa.

26E seai soku filemu, seai se malologa lei,

Ka ko oku puapuaga e se mafai o gata.