1A koe moi fai pela ko toku tuagaene
Kae ne faū foki koe ne toku matua ki ona mataū,
E penei, kafai e fetaui taua i te auala,
E mafai faeloa ne au o sogi koe seai eiloa se tino e saga mai ki a taua.
2Ka mafai foki o ave ne au a koe ki te fale o toku matua,
I kona ka akoako mai ei ne koe au ki te uiga o te alofa.
Ka avatu foki ei ne au taku uaina ne fakamanogi ki mea fakama'nogi, Mo taku pomekalanite ke inu koe i ei.
3A tou lima fakamaui e aluga ei au, ka ko tou lima fakaatamai e sai mai ki toku foitino.
4Fa'fine o Ielusalema, tauto mai me ka se fakalavelave koutou ki te ma famau.
Ko te Ono o PeseKo muna a Fafine5Ko oi tenei e vau mai te vao,
Tenei e piki lima mai mo tena famau?
Ko muna a te FafineNe fāgu ne au a koe i lalo o te lakau ko te apolo,
Te koga ne fanau ei koe
6Sa talia ne koe se alofa o so se tino na ko toku alofa eiloa;
Sa 'sai ne koe se isi tino aka ki ou lima, na ko au eiloa tokotasi.
A te alofa e pela eiloa mo te mate i te malosi;
A te alofa e pela foki eiloa mo te mate i te mafi.
E ula kae ka e pela me se afi lasi eiloa.
7E se mafai ne vai e uke o tamate te alofa;
E seai se lofiaga e mafai o tamate ne ia.
Kafai se tino e taumafai o togi te alofa ki ana koloa,
A te mea e maua ne ia ko te fanoanoa fua.
Ko muna a Tuagaene o te Fafine8E isi se tuagaene foliki o matou,
Ka ko ona u koi fo'liki faeloa.
Se a te mea ka fai ne tatou mo ia mafai e vau se tamataene o fia fai famau ki a ia?
9Kafai a ia se 'pui,
Kae ka faite ne tatou se taoa siliva mo ia.
Kae kafai a ia se mataloa,
Kae ka pono ne tatou ki laupapa o te alasi.
Ko muna a te Fafine10Au se pui,
Ka ko oku u e pela me se taoa o te 'pui.
E iloa ne taku pele,
Me e maua ne au te tokagamalie mo te filemu mafai e nofo tasi maua.
Ko muna a te Tagata11E isi se togavine a Solomona,
E tu i te koga e igoa ko Paala Hamona.
E isi ne tino fai fatoaga e fakaaoga ne latou kae togi ne latou te tupe ki a ia;
A te tino tokotasi e togi atu ne ia e tusa mo te afe tupe siliva.
12A te vaega o Solomona e afe tupe,
Ka ko tino fai fatoaga kola e tausi ne latou, e maua ne latou e luaselau;
E isi foki saku togavine!
13Taku pele, faipati mai ke lagona aka ne au tou leo mai te fatoaga;
A oku taugasoa konei e fakatalitali ke lagona ne latou tou leo mafai e faipati mai koe.
Ko muna a te Fafine14Taku pele, vau ki a au e pela me se kasele,
E pela me se tamā tia i luga o mauga e ola ei a mea fakama'nogi meakai.
Who We AreWhat We EelieveWhat We Do
2025 by iamachristian.org,Inc All rights reserved.
