1 TUPU 12 - Tuvalu Revised Bible

Ko ita a Matakaiga ki Matu(2NTupu 10.1-19)

1Ne fanatu a Leopoamo ki Sekema, te koga e maopoopo ei a tino o Isalaelu ki matu o fakatoka o fakasopo a ia ke fai mo tupu.

2I te logoga o Ielopoamo, te tama tagata a Nepata, tela ne sola ki Aikupito mai i a Solomona, i te tala tena, te mea eiloa ko foki mai Aikupito.

3A tino o Isalaelu ki matu ne uga te lotou fekau ki ei, olo ei latou ki a Leopoamo kae fai atu ki a ia penei,

4“A matou ne seki fai faka'lei ne tou tamana ko Solomona, kae fakafita foki ne ia matou ki galuega 'mafa. Kafai e fakamama ne koe a te amoga tenei ke tai faigofie, kae fesoasoani mai foki koe ki a matou ke 'lei omotou olaga, kae ka tautua fakamaoni atu eiloa matou ki a koe.”

5Ne tali atu a Leopoamo ki a latou penei, “E tolu aso mai tua ko toe foki mai ei koutou, ko taku atu ei ne au taku tali ki a koutou.” Tena, ko te mea eiloa ko olo.

6Ne fesili atu a Leopoamo ki toeaina kola ko tagata fakatonutonu a tena tamana ko Solomona penei, “Se a te tali e 'tau o avatu ne au ki tino konei?”

7Ne tali mai latou penei, “Kafai e manako koe o tavini faka'lei mō tino konei, fai atu se tali 'lei ki te mea e manako mai ki ei, kae ka tavini fakamaoni eiloa latou ki a koe.”

8Ne seki fakalogo a ia ki te fakatonuga a toeaina fakatonutonu a Solomona, kae ne fano a ia ki tamataene kola ne tupu tasi aka mo ia, konei ko fai nei mo ana tino fakatonutonu.

9Ne fesili atu a ia ki a latou penei, “Se a taku tali ka fai ki tino konei ne o'mai o fai mai ke fakamama aka olotou amoga?”

10Ne tali mai latou penei, “Konei a muna e tau o fai ne koe ki a latou: ‘A toku maikao tama e fula atu i te taugasulu o toku tamana!

11A toku tamana ne tuku atu ne ia a amoga 'mafa ki a koutou; ka silia atu te 'mafa o te amoga tenei ka tuku atu ne au ki a koutou. Ne kini sale ne ia koutou ki te mea kini, kae nei, koutou ka kini ne au ki te mea kini solofanua!’ ”

12E tolu aso mai tua ifo, ko Ielopoamo mo tino Isalaelu ki matu ko 'foki atu ki te Tupu ko Leopoamo, e pela eiloa mo tena fakatonuga ki a latou.

13Ne fakaseaoga ne te tupu a muna fakatonutonu a toeaina, tena ne faipati eiloa a ia mo te se ava ki tino kona,

14e pela eiloa mo te fakatonuga a ana tamataene fakatonutonu. Muna a ia penei, “A toku tamana ne fakafi'ta ne ia koutou; kae nei ka silia atu te mea tenei ka fai ne au ki a koutou. Ne kini sale ne ia koutou ki mea kini; kae nei koutou ka kini ne au ki mea kini solofanua!”

15Ko te loto eiloa o te Aliki ke taunu tena muna ne fai ki te pelofeta ko Aita mai Sailo ke fakaoko ki a Ielopoamo. Tena te mea ne seki saga ei te tupu ki tino o Isalaelu ki matu.

16

31Ne faite foki ne Ielopoamo a koga tapuaki i ulu o koga malugaluga, kae fili ne ia a faitaulaga mai kaiga e se tau te lotou gafa ki te matakaiga o Levi.

A Tapuakiga i Peteli ko Fakaseaoga

32 Levi 23.33,34 Ne fakatu foki ne Ielopoamo se 'kaiga fiafia faka-te-lotu i te po sefulu lima o te valu o masina, e pela mo te kaiga fiafia tela e fai sale i Iuta. E ofo sale ne ia ana taulaga i te fata-fai-taulaga i Peteli ki ana pulumakau aulo kola ne faite, kae tuku atu foki ne ia mo faitaulaga a ia ki kona ke galue i koga tapuaki kona ko oti ne faite ne ia.

33I te po sefululima o te valu o masina, te aso tela ko oti ne fakamoe ne ia, ne fano ei a ia ki Peteli o ofo tena taulaga i luga i te fata-fai-taulaga, e fakamanatu ei te kaiga fiafia tela ne fakatu ne ia mo tino Isalaelu.