SALAMO 130 - Tuvalu Revised Bible

Ko te 'Talo mō se Fesoasoani

1Te Aliki, au e kalaga atu ki a koe i taimi e vaivai ei au.

2Te Aliki, fakalogo mai ki toku leo;

Fakalogo mai ki taku fakatagi mō se fesoasoani!

3Kafai ne tusitusi ne koe omotou agasala,

Ko oi la te tino ka mafai o sao mai te fakasalaga?

4Ka ko matou e fakamagalo faeloa ne koe,

Tena te mea e 'tau ei mo matou o ma'taku atu ki a koe.

5Ko fakatalitali au mo te loto naunau ki se fesoasoani mai te Aliki,

Ko tena muna e talitonu au ki ei.

6E sili atu toku fakatalitali ki te Aliki,

i lo te fakatalitali o leoleo ki te vaveao —

i lo te fakatalitali o leoleo ki te vaveao.

7Isalaelu, talitonu ki te Aliki,

Me i tena alofa e tumau,

Kae fiafia faeloa a ia o fakamagalo.

8 Mata 1.21; Tito 2.14 Ka fakaola ne ia Isalaelu

Mai olotou agasala.