1So se tino e talitonu i a Iesu ko te Keliso, a te tino tena se tama a te Atua. So se tino foki e alofa ki te tamana e alofa foki ki tena tama.
2Tenei te mea e iloa ei i a tatou e a'lofa ki fanau a te Atua: ko te alofa ki te Atua mo te fakalogo ki ana fakatonuga.
3Ioa 14.15Me e tenei te uiga o te alofa ki te Atua: ko te fakalogo ki ana fakatonuga. Ka ko ana fakatonuga e se na 'mafa foki mo tatou,
4me ko so se fanau a te Atua, e mafai eiloa ne ia o fakatakavale te lalolagi! Tenei te auala e mafai ei o manumalo tatou i te lalolagi, ko te tou fakatuanaki.
5Ko oi e mafai ne ia o fakatakavale te lalolagi? Ko ia fua tela e talitonu i a Iesu ko te Tama a te Atua.
Ko te Molimau e Uiga ki a Iesu Keliso6A Iesu Keliso ko ia tena ne vau; ne vau mo te vai o tena papatisoga pela foki mo te toto o tena mate. Ne seki vau fua mo vai, kae mo toto foki. Kae ne molimau ki ei te Agaga me tonu eiloa a te mea nei; me i te Agaga ko te mea tonu.
7E tolu vaega molimau:
8ko te Agaga, ko te vai mo te toto; kae e kau tasi katoa a mea konei.
9E talitonu tatou ki te molimau e tuku mai ne tino; kae e malosi atu te molimau e tuku mai ne te Atua. Tenei te molimau ne tuku mai ne te Atua, ko te molimau e uiga ki tena Tama.
10So se tino e talitonu ki te Tama a te Atua, e iai te molimau tenei i tena loto, ka ko te tino tela e se talitonu ki te Atua, ko fai eiloa ne ia a ia ke fai mo tino loi, i te mea e seki talitonu ki te mea ne molimau mai ei te Atua e uiga ki tena Tama.
11Ioa 3.36Tenei te molimau: ko oti ne tuku mai ne te Atua ki a tatou a te ola se gata mai, ko fai nei mō tatou a te ola tenei e alatu i tena Tama.
12So se tino e i a ia te Tama, e maua ne ia te ola tenei; so se tino foki e se i a ia te Tama a te Atua, e se i a ia foki te ola.
Ko te Ola se Gata mai13Ko tusi atu au ki a koutou kola e talitonu ki te igoa o te Tama a te Atua. Ko te mea ke iloa tonu ne koutou me maua ne koutou a te ola se gata mai.
14Tenei te pogai e maua ei ne tatou te loto malosi i mua o te Atua; e talitonu foki tatou me e talia ne ia manafai e fakatagi tatou ki so se mea e tusa mo tena loto.
15Kafai e iloa ne tatou me lagona ne te Atua a mea kola e fakatagi atu ei tatou ki a ia, ko iloa ei ne tatou me e talia eiloa ne te Atua a mea kola e fakatagi atu ei tatou ki a ia.
16Kafai se tino e matea ne ia tena taina e fai ne ia te agasala tela e se iku ki te mate, e 'tau mo ia o 'talo ki te Atua, tela ko ia e aumai ne ia ki a ia a te ola. A te mea nei e fakaautu eiloa ki a latou kola e fai ne latou agasala kola e se iku ki te mate. Kae e isi se agasala tela tena ikuga ko te mate, ka ko au e se fai atu ke 'talo koutou ki te Atua mō te mea tena.
17So se mea 'se se agasala, kae e iai eiloa se agasala tela e se ko te mate tena ikuga.
18Ko iloa ne tatou me e seai se tama a te Atua ka tumau faeloa a ia i te fai o te agasala, me i te Tama a te Atua e tausi fakalei eiloa ki ei, tela la, e se maua ne te Tino Masei o fakamalaia a ia.
19Ko iloa foki ne tatou i a tatou e o te Atua, ka ko te lalolagi katoa ko i lalo i te pule a te Tino Masei.
20Ko iloa foki ne tatou i te Tama a te Atua ko oti ne vau, ka ko oti foki ne tuku mai ne ia ki a tatou te poto, ko te mea ke iloa ne tatou a te Atua tonu. A otou olaga e i te Atua tonu, i tena Tama ko Iesu Keliso. Tenei te Atua tonu, kae tenei foki a te ola se gata mai.
21Aku tama, ke fakamao koutou mai atua se tonu.
Who We AreWhat We EelieveWhat We Do
2025 by iamachristian.org,Inc All rights reserved.
