1Ke pese atu koutou ki te Aliki i te pese fou;
Ona ko ana galuega fakaofoofogina ne fai!
Kae mai tena 'mana mo tena malosi tapu,
Ne manumalo ei a ia.
2Ne fakasalalau ne te Aliki te tala i tena manumalo;
Ne fakaasi atu ne ia tena 'mana fakaola ki fenua.
3Ne tausi eiloa ne ia tena feagaiga ki te fenua o Isalaelu,
Mo tena alofa tumau mo tena fakamaoni ki a latou.
Ne lavea ne tino katoa i te lalolagi a te manumalo o te tou Atua.
4Usu atu pese mo te fiafia ki te Aliki, te lalolagi katoa;
Viki atu ki a ia i pese, kae ka'laga atu ki a ia mo te fiafia!
5Usu atu tavaega ki te Aliki!
Ta atu a pese ki kitala!
6Ili atu a pu, kae ka'laga atu koutou mo te fia'fia ki te Aliki te tupu o tatou.
7Te tai, 'golo mai koe, mo mea ola katoa i a koe,
Usu pese mo te fia'fia, te lalolagi mo tino katoa i ei!
8A koutou vaitafe, pati otou lima;
A koutou mauga, pese fakatasi mo te fiafia i mua o te Aliki,
9Me ko vau a ia o pule i te lalolagi.
Ka pule a ia i tino katoa o te lalolagi mo te fai mea tonu.
Who We AreWhat We EelieveWhat We Do
2025 by iamachristian.org,Inc All rights reserved.
