1Eithr y mae eneidiau y rhai cyfiawn yn llaw Dduw; ac ni chyffwrdd cystudd a hwynt.
2Y rhai angall oedd yn tybied eu bod hwy yn meirw; a drwg y cyfrifid eu diwedd hwynt,
3A’u mynediad oddi wrthym ni yn ddinistr: eithr y maent hwy mewn heddwch.
4Oblegid er eu cystuddio hwy yng ngolwg dynion, y mae eu gobaith hwy yn llawn tragwyddoldeb.
5A lle y ceryddwyd hwy ychydig, hwy a gânt lawer o fudd: oblegid Duw a’u profodd hwynt, ac a’u cafodd yn addas iddo ei hun.
6Efe a’u profodd hwynt fel aur yn y ffwrn, ac a’u derbyniodd fel aberth llosg.
7Ac yn amser eu gofwy hwy a ddisgleiriant, ac a redant i mewn ac allan, fel gwreichion mewn sofl.
8Hwy a farnant genhedloedd, ac a lywodraethant bobloedd; a’u Harglwydd hwy a deyrnasa byth.
9Y rhai a ymddiriedant ynddo ef a ddeallant y gwirionedd; a’r rhai ffyddlon mewn cariad a arhosant gydag ef: oblegid gras a thrugaredd sydd i’w saint ef, ac efe a ofala dros ei etholedigion.
10Eithr yr annuwiol, fel y meddyliasant, a gânt gosbedigaeth, y rhai a ddiystyrasant y cyfiawn, ac a wrthodasant yr Arglwydd.
11Canys annedwydd yw yr hwn a ddiystyro ddoethineb ac addysg, ac ofer yw eu gobaith: eu llafur hefyd a fydd diffrwyth, a’u gwaith yn ddi-fudd.
12Eu gwragedd sydd yn angall, a’u plant yn ddrygionus.
13Melltigedig yw eu hepil hwynt: canys dedwydd yw’r amhlantadwy ddihalogedig, yr hon nid adnabu wely mewn pechod: hi a gaiff ffrwyth pan ymweler â’r eneidiau:
14A dedwydd yw y disbaidd, yr hwn ni wnaeth anwiredd â’i ddwylo, ac ni feddyliodd ddrygioni yn erbyn yr Arglwydd: canys iddo ef y rhoddir dewisol rad ffydd, a’r rhan gymeradwyaf gan ei feddwl, yn nheml yr Arglwydd.
15Canys gogoneddus yw ffrwyth poen dda; a gwreiddyn doethineb ni ddiflanna byth.
16Eithr plant y godinebus a fyddant amherffaith; a’r had o wely anwir a ddiflanna;
17Oblegid os hir-hoedlog fyddant, ni wneir dim cyfrif ohonynt: a’u henaint fydd amharchus yn y diwedd.
18Eithr os yn fuan y diweddir hwynt, ni chânt obaith na chysur yn nydd ymweliad:
19Oblegid ofnadwy yw diwedd y genhedlaeth anghyfiawn.
Who We AreWhat We EelieveWhat We Do
2025 by iamachristian.org,Inc All rights reserved.
