1Felly hwy a anfonasant genhadau â geiriau heddychlon ato ef, gan ddywedyd,
2Wele, ni gweision Nabuchodonosor y brenin mawr ydym yn sefyll yn dy ŵydd di; gwna i ni fel y gwelych yn dda.
3Wele ein tai ni, a’n holl leoedd, a’n holl feysydd gwenith, a’n defaid, a’n gwartheg, a’n holl luestai, a’n pebyll, yn sefyll o’th flaen di; gwna iddynt fel y gwelych di yn dda.
4Wele hefyd ein dinasoedd ni a’r rhai sy yn trigo ynddynt yn weision i ti; tyred, a gwna â hwynt fel y gwelych di yn dda.
5Felly y gwŷr a ddaethant at Oloffernes, ac a fynegasant wrtho ef yn ôl y geiriau hyn.
6Yna efe a ddaeth i waered tua’r mordir, efe a’i lu, ac a osododd geidwaid yn y dinasoedd uchel, ac a gymerth allan ohonynt wŷr etholedig yn gynhorthwy iddo.
7Felly hwynt-hwy, a’r holl wlad o amgylch, a’i croesawasant ef â choronau, â dawnsiau, ac â thympanau.
8Er hynny efe a ddifwynodd eu holl froydd hwynt, ac a dorrodd i lawr eu llwynau hwynt: canys efe a roddasai ei fryd ar ddinistrio holl dduwiau’r tir, fel yr addolai’r holl genhedloedd Nabuchodonosor yn unig, ac y galwai pob tafod a llwyth arno ef megis ar Dduw.
9Ac efe a ddaeth ar gyfer Esdraelon, yn gyfagos at Dothea, gyferbyn â’r gyfyng hir i Jwdea:
10Ac efe a wersyllodd rhwng Geba a dinas y Scythiaid: ac efe a fu yno fis o ddyddiau; fel y casglai efe holl lwythau ei lu.
Who We AreWhat We EelieveWhat We Do
2025 by iamachristian.org,Inc All rights reserved.
