Y Salmau 54 - William Morgan Bible with Apocrypha, 1959 Edition

SALM 54I’r Pencerdd ar Neginoth, Maschil, Salm Dafydd, pan ddaeth y Siffiaid a dywedyd wrth Saul, Onid ydyw Dafydd yn ymguddio gyda ni?

1Achub fi, O DDUW, yn dy enw; a barn fi yn dy gadernid.

2 DUW, clyw fy ngweddi; gwrando ymadrodd fy ngenau.

3Canys dieithriaid a gyfodasant i’m herbyn, a’r trawsion a geisiant fy enaid: ni osodasant DDUW o’u blaen. Sela.

4Wele, DUW sydd yn fy nghynorthwyo: yr Arglwydd sydd ymysg y rhai a gynhaliant fy enaid.

5Efe a dâl ddrwg i’m gelynion: tor hwynt ymaith yn dy wirionedd.

6Aberthaf i ti yn ewyllysgar: clodforaf dy enw, O ARGLWYDD; canys da yw.

7Canys efe a’m gwaredodd o bob trallod; a’m llygad a welodd ei ewyllys ar fy ngelynion.