Vakatakila 17 - Ai Vola Tabu (Vakadewa Makawa Vakavoutaki 2021)（FRV21）

Na Yalewa Dautagane kei na Manumanu

1 Jere 51.13 A sa lako mai e dua vei iratou na agilosi e le vitu sa taura na bilo e vitu, ka keirau veivosaki, ka kaya vei au, “Lako mai ki ke, au na vakatakila vei iko na nona cudruvi na yalewa oqo sa dautagane vakalevu sa tiko e na bati ni wai levu,

2Aisea 23.17; Jere 51.7o koya era sa veibutakoci kaya ko ira na tui kei vuravura, ka ra sa vakamatenitaki ko ira na kai vuravura e na waini ni nona dautagane.”

3Vtaki 13.1Sa qai kauta na yaloqu ko koya ki na vanua lala; ia ka'u a raica e dua na yalewa sa vodo tiko e na dua na manumanu kulakula, ka sa vuqa na yacana sa vosavakacacataki kina na Kalou, a sa vitu na uluna ka tini na nona i leu.

4Jere 51.7A sa vakaisulu na yalewa oqo e nai sulu lokaloka kei nai sulu kulakula, sa vakaiukuuku e na koula kei na vatu dredre talega, kei na mataniciva, a sa taura e ligana e dua na bilo koula sa sinai e na kena ca kei na kena dukadukali ni nona dautagane.

5A sa volai e na yadrena na yacana vakaoqo, a ka vuni: “Ko Papiloni na ka levu, a tinadra na dautagane kei na veika vakasisila kei vuravura.”

6Ia ka'u a raica na yalewa sa mateni e na kedra dra na tamata yalododonu, kei na kedra dra na tamata era sa mate e na vuku i Jisu.

Ia ni'u sa raici koya, ka'u a kurabui vakalevu kina.

7Ia sa kaya vei au na agilosi, “O sa kurabui e na vuku ni cava? Au na tukuna vei iko na kenai balebale vuni ni yalewa oqo, kei na manumanu sa vodo kina ko koya, o koya sa vitu na uluna ka tini na nona i leu.

8Tani 7.7; Vtaki 11.7; Same 69.28A manumanu ko a raica sa bula eliu, ka sa qai sega tale, ia sa vakarau lako cake mai na bulubulu e sega ni vakabotona ka me lako ki na rusa. Ia era na kurabui kina ko ira sa tiko e vuravura, o ira sa sega ni volai na yacadra e nai vola ni bula mai nai vakatekivu kei vuravura, ni ra raica na manumanu sa bula eliu, ka sa sega tale, ka na qai basika tale.

9“Sa kaciva oqo na loma sa tu kina na vuku: na uluna e vitu sa dusia na ulunivanua e vitu ka sa dabe tiko kina na yalewa oqo.

10Ia sa lewe vitu na tui, e le lima sa bale, e dua sa tiko, e dua tale e se bera ni lako mai; ia ni sa lako mai ko koya, ena tiko vakadede vakalailai.

11Ia na manumanu sa bula eliu, ka sa qai sega tale, o koya oqo nai kawalu, ka sa dua vei ira na lewe vitu ko koya, ka sa lako ki na rusa.

12Tani 7.24Ia nai leu e tini ko a raica eratou sa le tini na tui, a ratou sa sega ga ni vakamatanitu edaidai, a ratou sa kaukauwa kei koya na manumanu, me vaka na tui, e na dua ga na aua.

13O iratou oqo eratou sa lomavata, ia eratou na solia na nodratou qaqa kei na nodratou kaukauwa vei koya na manumanu.

14O iratou oqo eratou na veivala kei na Lami, ia sa na rawai iratou na Lami, ni sa Turaga vei ira na turaga ko koya, kei na nodra Tui na tui, ia ena gumatua talega ko ira sa tiko vata kaya era sa kacivi, ka digitaki, ka lomadina.”

15A sa kaya vei au ko koya, “Na veiwai ko a raica, sa tiko kina na yalewa dautagane, oqori na veivanua kei na veimatatamata e vuqa, kei na veimatanitu, kei na duivosavosa.

16Ia nai leu e tini ko a raica kei na manumanu, eratou na cata na yalewa dautagane. A ratou na cakava vua me biu vakatikitiki ka me luvawale, ka ratou na kania na lewena ka vakamai koya sara e na bukawaqa.

17Ni sa vakavulica na yalodratou na Kalou me ratou vakayacora na nona lewa, me ratou lomavata, me ratou solia na nodratou matanitu vua na manumanu, me vakayacori mada na vosa ni Kalou.

18Ia na yalewa ko a raica, na koro levu ko ya, sa lewa vei ira na tui kei vuravura.”