1Ia ka'u sa tataunaki Fipi yani vei kemudou, o koya na wekada, o koya sa dauqarava nai soqosoqo lotu mai Kenikiria,
2ka mo dou vakacegui koya e na vuku ni Turaga, me vaka sa kilikili kei ira era sa lotu, ka vukei koya e na cakacaka kecega dou na yaga kina vua, ni sa dau vukei ira na lewe vuqa ko koya, kei au talega.
3 Caka 18.2 Me tukuni yani na noqu loloma vei rau ko Virisila kei Akuila, koi rau sa cakacaka vata kei au e na veika i Karisito Jisu,
4ka rau sa bolea na mate me'u bula kina. Keitou sa vakavinavinaka kina vei rau, keitou kei ira kece na veisoqosoqo lewe ni lotu vei ira na veimatanitu tani.
5Au loloma talega vei ira nai soqosoqo lotu e na nodrau vale. Au sa loloma vei Avenito, na tamata ka'u sa dau lomana, o koya nai sevu ni vakabauti Karisito mai Esia.
6Au sa loloma vei Meri, o koya sa daucakacaka vakalevu e na vukumudou.
7Au sa loloma vei Adroniko kei Junia, na wekaqu, keitou a vesu vata kei rau, a rau sa rogo vei iratou nai apositolo, erau sa nei Karisito eliu, au sa muri koi au.
8Au sa loloma vei Abilia, o koya ka'u sa dau lomana e na vuku ni Turaga.
9Au sa loloma vei Urubeni, o koya sa dauvukei keitou e na cakacaka i Karisito, kei Sateki, o koya ka'u sa dau lomana.
10Au sa loloma vei Apeli sa dauvinakati e na veika i Karisito. Au sa loloma vei ira na lewe ni vuvale i Arisitopulo.
11Au sa loloma vei Erotiani na wekaqu. Au sa loloma vei ira na lewe ni vuvale i Narikiso, era sa nona ga na Turaga.
12Au sa loloma vei Taraivini kei Taraivosa, erau daucakacaka e na veika ni Turaga. Au sa loloma vei Perisi sa daulomani, o koya sa daucakacaka vakalevu e na veika ni Turaga.
13Mari 15.21Au sa loloma vei Rufu, o koya sa digitaki me nona na Turaga; ka'u loloma vei tinana—o koya ka sa tinaqu talega.
14Au sa loloma vei Asinikirito, kei Filekoni, kei Erima, kei Patiropa, kei Erimi, kei ira na veiwekani sa tiko vata kei iratou.
15Au sa loloma vei Filoloko, kei Julia, kei Niriu, kei na ganena, kei Olimipa, kei ira kecega era sa lotu, era sa tiko vata kei iratou.
16Dou ia na loloma vakai kemudou e na veireguci e na yalosavasava. Sa loloma yani vei kemudou na veisoqosoqo lewe ni lotu kecega nei Karisito.
Nai Tinitini ni Vakasala17Ia ka'u sa vakamasuti kemudou, na veiwekani, mo dou kilai ira era sa vakatekivuna na veisei kei na veika e dauveivakatarabetaki, sa sega ni vaka nai vakavuvuli dou sa vakatavulici kina; ia kakua ni veiriti kei ira.
18O ira era sa vakaoqo, era sa sega ni qarava na noda Turaga na Karisito, na ketedra ga; ia e na vosa vinaka ka kamikamica, era sa lawakitaka na lomadra era sa wele.
19Ni sa kuruvaki ki na tamata kecega na nomudou talairawarawa. O koya oqo ka'u sa rekitaki kemudou kina, ia sa yaloqu ga mo dou vuku e na ka vinaka, mo dou kakua talega ni cala e na ka ca.
20Ia na Kalou ni veivakacegui ena butuki Setani vakusarawa e ruku ni yavamudou. Me tiko vei kemudou na loloma ni noda Turaga ko Jisu Karisito. Emeni.
21 Caka 16.1 Sa loloma yani vei kemudou ko Timoci na noqu i tokani, kei Lusiu, kei Jesoni, kei Sosipeta, ko iratou na wekaqu.
22Oi au ko Teritiu, ka vola nai vola oqo, au sa loloma yani vei kemudou e na Turaga.
23 Caka 19.29; 1Kori 1.14; 2Timo 4.20 Sa loloma yani vei kemudou ko Keio, o koya ka'u sa dautiko e nona vale, kei ira kecega nai soqosoqo lotu. O Erasito na dauniyau ni koro oqo sa loloma yani vei kemudou, kei Kuaritu na wekada.
24Me tiko vei kemudou kecega na loloma ni noda Turaga ko Jisu Karisito. Emeni.
Tini ena Masu ni Veivakacaucautaki25Ia oqo, ki vua na Kalou sa rawata me vakataudeitaki kemudou me vaka na noqu i tukutuku-vinaka kei na vunautaki i Jisu Karisito, me vaka na vakatakilai ni ka vuni ka tabonaki tu mai vakabalavu
26ia ka sa qai vakaraitaki mai oqo, ka sa volai e na nodra i vola na parofita ka vakatakilai ki na veivanua kecega, me vaka na lewa ni Kalou tawa mudu, me rawa kina na talairawarawa ni vakabauta—
27io, ki vua na Kalou sa vuku duaduaga, me ia na vakarokoroko e na vuku i Jisu Karisito, ka sega ni mudu. Emeni.
Who We AreWhat We EelieveWhat We Do
2025 by iamachristian.org,Inc All rights reserved.
