Emosi Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaKo Emosi nai matai ni parofita e nai Vola Tabu me volai taucoko na nona i tukutuku. E dina ni lako mai ena dua na koro mai Juta, a sa la'ki vunau ga vei ira na lewe-ni-vanua ena vualiku ni matanitu ko Isireli, ka donuya na veimama ni kawalu ni yabakidrau BSK. Oqo e dua na gauna ni sautu ni vanua, e gumatuataki na qaravi ni lotu, ka ra tiko veisaututaki. Ia e raica rawa ko Emosi ni ra sa sautu wale ga ko ira na tamata vutuniyau mai na veisala tawa dodonu eso kei na nodra dauvakatotogani ira na dravudravua. E ka vakarairai wale ga na nodra lotu, ka sega ni maucokona na nodra tiko veisaututaki. Ena yalo ni gagadre kei na doudou, a sa vunautaka kina ko Emosi ni na cudruva na nodra vanua na Kalou. A sa vunautaka na lewa matau ka dodonu me dave yani me vaka na wai (5.24), ka sa kaya, e na qai yalololoma beka ko Jiova na Kalou-ni-lewevuqa vei ira na kena vo vei Josefa (5.15).Na Lewe ni VolaEra sa cudruvi ko ira era tiko volekati ira na Isireli 1.1—2.5

Era sa cudruvi na Isireli 2.6—6.14

Na raivotu e lima 7.1—9.15