1E na vuku ni cakacaka loloma, vei ira era sa lotu, sa sega ni yaga me'u volavola kina vei kemudou,
2ni'u sa kila na nomudou gumatua, ka'u a vakacaucautaki kemudou kina vei ira na kai Masitonia, io, ni sa vakarau oti tu ko Akaia ka yabaki dua; a sa vakatakatataki ira na lewe vuqa na nomudou lomakatakata.
3Ia ka'u sa talai iratou yani na veiwekani de vakawaletaki na neitou vakacaucautaki kemudou e na vuku ni ka oqo; io, me vaka ga na ka ka'u a kaya, mo dou sa vakarau tu.
4Ke sega, de mani qai lako vata mai kei au eso vei ira na kai Masitonia ka raici kemudou ni dou se sega ni vakarau, keitou na madua—ka sega ni cavuti oi kemudou—e na vuku ni veivakacaucautaki doudou oqo.
5O koya oqo ka'u sa nanuma kina ni sa dodonu me'u masuti iratou na veiwekani, me ratou liu yani vei kemudou, ka me ratou vakarautaka mada eliu na nomudou i loloma sa yalataki, me vakarautaki tu, me vaka sa ka ni loloma, ka sega ni ka e vakasaurarataki.
Soli-ka e na Yalo Marau6Ia oqo: ko koya sa kaburaka vakalailai ena tamusuka talega vakalailai; ia ko koya sa kaburaka vakalevu ena tamusuka talega vakalevu.
7Me ra dui solia me vaka na ka sa vinakata ko koya yadua e na yalona; me kakua e na voraki, se ni sa vakasaurarataki, ia ko koya sa solia e na marau sa vinakata na Kalou.
8Ka sa rawa vua na Kalou me vakarautaka vei kemudou na ka-ni-loloma kecega, me tu vei kemudou e na veisiga nai yau kecega e yaga e na ka kecega, ka mo dou uasivi cake kina e na cakacaka vinaka kecega.
9Same 112.9Me vaka na ka sa volai,
“Sa duibiubiuta ko koya, sa dau soli-ka vei ira na dravudravua;
sa tudei ka sega ni mudu na nona i valavala dodonu.”
10 Aisea 55.10 Ia ko koya sa dausolia na sila vua na daukabukaburaki kei na madrai me kakana, ena solia mada na sila vei kemudou me levu, ka vakalevutaka na vua ni nomudou i valavala dodonu;
11mo dou vakavutuniyautaki e na ka kecega, mo dou ia kina nai loloma kecega, sa vakayacori kina vei keitou na vakavinavinaka vua na Kalou.
12Ni sa ia na cakacaka oqo sa sega ni vakarautaki walega na nodra dravudravua era sa lotu, ia sa tubu cake vakalevu talega kina na vakavinavinaka vakalevu vua na Kalou;
13ni dou sa vakatovolei e na cakacaka oqo, era sa vakarokorokotaka na Kalou ni dou sa tukuna kina na nomudou talairawarawa ki nai tukutuku-vinaka kei Karisito, e na vuku talega ni cakacaka loloma levu oqo kivei ira, vei ira talega na tamata kecega;
14ia ko ira talega era sa masulaki kemudou, ka sa daulomani kemudou e na vuku ni loloma levu ni Kalou sa tu vei kemudou.
15Me ia na vakavinavinaka vua na Kalou e na vuku ni nona i solisoli sa sega ni tukuni rawa.
Who We AreWhat We EelieveWhat We Do
2025 by iamachristian.org,Inc All rights reserved.
