Efeso 2 - Ai Vola Tabu (Vakadewa Makawa Vakavoutaki 2021)（FRV21）

Mai na Mate ki na Bula

1 Kolo 2.13 Ia koi kemudou, ni dou a mate tu e na caka cala kei nai valavala ca;

2dou a muria tiko eliu me vaka nai valavala kei vuravura oqo, ni dou a muria tiko na nodra turaga era sa kaukauwa e na macawa, a yalo sa cakacaka tiko e lomadra era sa dautalaidredre;

3ko ira eda sai valavala vata kaya koi keda kece e na gauna eliu, e na gagadre ca ni yagoda, ni da sa muria tiko na dodomo ni yagoda kei na yaloda; ia na noda i tovo me da cudruvi kina, me vakataki ira na tani.

4Ia, na Kalou, sa vutuniyau e na yalololoma, e na vuku ni nona loloma levu sa lomani keda kina,

5io ni da a mate tu e na caka cala, sa vakabulai keda vata kei Karisito—a loloma walega dou sa vakabulai kina—

6ka sa vakaturi keda cake vata, ka vakatikori keda vata kei Karisito Jisu e na veiyasana vakalomalagi,

7me vakatakila kina e na gauna ena muri mai na nona loloma levu sa uasivi sara ni sa lomavinaka vei keda e na vuku i Karisito Jisu.

8Ni sa loloma walega dou sa vakabulai kina e na vuku ni vakabauta, ia sa sega ni vuna koi kemudou; ai solisoli ga ni Kalou—

9sa segai e na vuku ni cakacaka, me kakua kina e dua me dokai koya.

10Ni da sa nona vua ni cakacaka, sa caka me da tu vata kei Karisito Jisu me ia nai valavala vinaka, o koya sa vakarautaka eliu na Kalou me da kitaka vakakina.

Na Duavata ena Vuku i Karisito

11O koya mo dou nanuma, ni dou a sega ni lotu eliu ni dou sa sucu vakakina, ia dou a vakatokai “na Tawacili” vei ira sa vakatokai “na Cili,” a ka sa cakava na liga ki na yago—

12ka nanuma ni dou a tawase tani tu mai vei Karisito e na gauna ko ya, ka sa sega ni matanitu vata vei ira na Isireli, ka sa sega ni nomudou na ka sa yalataki e na veiyalayalati, ka sa sega vei kemudou nai nuinui; ka sa sega ni tu vata kei na Kalou e vuravura.

13Ia e na gauna oqo dou sa qai tu vata kei Karisito Jisu, oi kemudou ka yawa eliu ni dou sa qai kau vakavoleka mai e na vuku ni dra i Karisito.

14Ni sai koya na vu ni noda veivinakati tale, o koya sa qisia na rua me dua bau, ka sa basuka na bai sa ia kina na tawasei;

15Kolo 2.14ni sa vakaotia e na yagona na ka eda a veicati kina, o koya na vunau sa vakarota nai valavala ni lotu, me ia kina na veivinakati, ka qisi rau me rau tamata vou e dua bauga ni rau tu vata kaya,

16Kolo 1.20me vakaduavatataki rau talega kei na Kalou me vaka ni sa dua bau na tamata e na vuku ni kauveilatai, ni sa vakaotia kina na veicati.

17Aisea 57.19A sa lako mai ka vunautaka na veivinakati vei kemudou sa yawa, vei ira talega era sa voleka;

18ni sai koya eda sa torova rawa kina na Tamada koi keda ruarua e na Yalo e dua bauga.

19O koya oqo dou sa qai sega tiko ni vulagi kina se kai tani, dou sa koro vata ga kei ira era sa lotu, ka dou sa lewe ni vuvale ni Kalou;

20ka dou sa tara cake e na nodra yavu nai apositolo kei ira na parofita, ia sai koya ko Karisito Jisu sa kenai vakadei e na tutu-ni-vale.

21O koya sa sema vata kina na vale taucoko, a sa tubu cake kina me vale tabu ni sa tu vata kei na Turaga;

22o koya dou sa vakatataki vata talega kina me vale ni Kalou ni sa tiko kina na Yalo Tabu.