1Ena ca na nodra i sala lagilagi na daumateni ni Ifereimi,
kei na senikau ni nona i ukuuku sa malai,
o koya sa vakaisala kina na ulu ni nodra buca bulabula era sa rawai e na waini!
2Raica, sa le dua vei Jiova sa qaqa ka kaukauwa;
ka sa vaka na uca cevata e tau bi, kei na cava sa dauveivakarusai,
ka sa vaka na dobui sa vuabale;
sai koya ena biuta vakaukauwa ki na qele na ligana.
3Ena buturaki na nodra i sala lagilagi
na daumateni ni Ifereimi.
4Ia na senikau malai sa nona ka ni ukuuku,
ka sa vakaisala kina na ulu ni buca bulabula,
ena vaka e dua na lolo taumada ni se bera na vula i lolo
kevaka e dua sa kunea dina,
ni sa taura tu e ligana sa tiloma sara.
5E na siga ko ya ena yaco ko Jiova-ni-lewevuqa mei sala vakaiukuuku,
kei nai sala talei vei ira na vo-n-bula ni nona tamata;
6kei na yalo ni lewa vakadodonu vua sa tiko me lewa,
kei na nodra kaukauwa era sa vakasava tani nai valu mai na matamata-ni-koro.
Ko Aisea kei Ira na Parofita Daumateni ni Juta7Io ko ira talega oqo sa vakacalai ira na waini,
ka sa vakasesei ira na yaqona;
koi rau na bete kei na parofita
erau sa vakacalai e na yaqona;
sa rawai rau na waini;
erau sa vakasesei e na yaqona,
erau sa cala e na raivotu,
erau sa yatayata e na lewa.
8Ni sa sinai e na lua kei na duka na tepeli kecega,
sa sega na tikina e savasava.
9“Me vakavulici cei ko koya me vuku mai,
se me vakavukui cei me kila nai tukutuku?
Ko ira sa qai kali mai na wai-ni-sucu,
ka kau tani mai na sucu i tinadra?
10Ni sa daukuri na vunau e na vunau, na vunau e na vunau;
na vosa e na vosa, na vosa e na vosa;
e vakalailai eke, ka vakalailai mai kea.”
11 1Kori 14.21 Ia e na tebenigusu kaka
kei na vosa ni tani
ena vosa kina ko koya vei ira na tamata oqo,
12o ira oqo ka kaya kina ko koya,
“Oqo nai vakavakacegu;
dou vakacegui ira kina era sa oca;
ia oqo na ka ni veivakacegui”;
a ra sa bese ga ni rogoca.
13Ia na vosa i Jiova ena vaka dina vei ira,
Na vunau sa kuri e na vunau, na vunau e na vunau;
na vosa e na vosa, na vosa e na vosa;
e vakalailai eke, ka vakalailai mai kea;
me ra lako kina, ka bale ki muri,
ka mavoa, ka coriti, ka tauri.
Na Yavu Tudei me Baleti Saioni14O koya oqo dou rogoca kina na vosa i Jiova, oi kemudou na dauveivakalialiai,
sa lewai ira na tamata oqo mai Jerusalemi.
15Ni dou a kaya, “Keitou a veiyalayalati kei mate,
ka veisorosorovi kei Etesi;
ni sa lako voli mai na ca sa vuabale, ena sega ni yacovi keitou;
ni keitou sa cakava na lasu me neitou i vakaruru,
ka vunitaki keitou e nai lawaki.”
16 Same 118.22,23; Roma 9.33; 10.11; 1Pita 2.6 O koya oqo sa kaya kina na Turaga ko Jiova,
“Raica, au sa vakotora mai Saioni na vatu ni yavu,
na vatu sa vakatovolei,
na vatu ni tutu-ni-vale sa talei, na yavu sa dei sara:
‘Ko koya sa vakabauta ena sega ni taqaya.’
17Ia ka'u na tauca na lewa dodonu me dali i vakarau,
kei na cakacaka dodonu me vatu i vakarau;
ia na uca-cevata ena vakayalia sara nai vakaruru lasu,
kei nai vunivuni ena luvuci e na wai.”
18Ia na nomudou veiyalayalati kei mate ena sega ni dei
kei na nomudou veisorosorovi kei Etesi ena sega ni vakabau;
ka ni sa lako voli mai na ca sa vuabale,
dou na qai butuki kina.
19Ni sa qai lako voli mai, ena kauti kemudou tani;
ni na lako voli ga mai e na veimataka,
e na siga kei na bogi;
ia ena ka ni rarawa walega me kila na kenai tukutuku.
20Ni sa ka ni leqa nai mocemoce vua sa via dodo kina,
ka rabailailai nai tutuvi vua sa via tutuvitaki koya kina.
21 Josua 10.10-12; 2Samu 5.20; 1Vei 14.11 Ni na tucake ko Jiova me vaka na nona tu mai na Ulunivanua ko Pirasimi,
ena cudru ko koya me vaka e na buca i Kipioni;
me kitaka na nona cakacaka—na cakacaka sa duatani!
ka vakayacora na nona i valavala—nai valavala sa duatani!
22Ia dou kakua mada ni veivakalialiai,
de kaukauwa mai kina na kemudou i vesu;
me vaka ka'u a rogoca mai vua na Turaga ko Jiova-ni-lewevuqa
ni sa dua na veivakarusai sa lesi me rawai vuravura taucoko.
Na Vuku ni Kalou23Dou vakatudaliga, ka rogoca na domoqu.
Vakadirorogo, ka rogoca na noqu vosa.
24Sa cuki were tiko beka ko koya sa daucuki me kabukaburaki kina?
Sa cukita ka logana tiko beka na nona were?
25Ni ra sa logana vakavinaka na delana,
sa sega beka ni ra duibiubiuta kina na kumini loa,
ka kaburaka voli na kumini dina,
ka teivaka vakayatuni na witi kei na barile
e na tikina e vakarautaki kina,
kei na sila vuti e na bati ni were?
26Ia sa vakavulici koya vakadodonu kina
na nona Kalou ka sa vakavukui koya.
27Ni sa sega ni samuti na kumini loa e nai samu-yara,
ka sega ni toqici na yava ni qiqi-ni-sila e na kumini dina;
ia sa samuti na kumini loa e na ike,
kei na kumini dina e nai titoko.
28Sa daubutuqaqi na witi,
ni na sega ni via samusamuta tikoga;
ia ko koya ke sa toqica na yava ni nona qiqi-ni-sila kei na yava ni nona ose,
sa na sega ni via vurumemeataka ko koya.
29A ka talega oqo sa taka mai vei Jiova-ni-lewevuqa;
ko koya sa vakurabui na nona lewa,
ka sa ka levu na nona vuku.
Who We AreWhat We EelieveWhat We Do
2025 by iamachristian.org,Inc All rights reserved.
