1A sa masu ko Jona vei Jiova na nona Kalou ni sa tiko e na kete ni ika,
2ka sa kaya,
“Au a tagi vei Jiova e na vuku ni noqu rarawa,
a sa rogoci au ko koya;
mai na loma i Etesi ka'u a qoqolou,
ko ni a rogoca na domoqu.
3Ni kemuni a biuti au ki na wasa titobu,
ki na loma ni wasa levu,
ia sa vakavolivoliti au na wai;
a nomuni biau kei na nomuni ua lelevu
sa luvuci au.
4Ia ka'u a qai kaya, ‘Au sa vakasevi tani
mai na matamuni;
ia ka'u na goleva tale
ki na nomuni vale tabu.’
5Sa mai luvuci au na wai,
sa yacova sara na yaloqu.
Sa voliti au na wai titobu,
sa viviraka na uluqu na lumi.
6Au a lako sobu ki na vu ni veiulunivanua;
ia ko vuravura, na kenai sogo sa vakalati au ka sega ni mudu.
Ia ko sa vueta tani ga na noqu bula mai na rusa,
i Jiova na noqu Kalou.
7Ni sa luvu e lomaqu na yaloqu,
au a qai nanumi Jiova;
A sa vagolei vei kemuni na noqu masu,
ki na nomuni vale tabu.
8O ira era sa dauqarava na ka lasu wale
era sa biuta na vu ni nodra vinaka.
9Ia koi au, ka'u na ia nai madrali vei kemuni
e na domo ni vakavinavinaka;
au na cakava na ka ka'u a bubului kina.
Sa mai vei Jiova na veivakabulai!”
10Sa qai vosa ki na ika ko Jiova, ka sa luaraki Jona ki na vanua mamaca.
Who We AreWhat We EelieveWhat We Do
2025 by iamachristian.org,Inc All rights reserved.
