1A sa vosa vei Mosese kei Eroni ko Jiova, ka kaya vei rau,
2“Drau vosa vei ira na Isireli, ka kaya, Oqo na manumanu e yavai va kemuni na kania vei ira kecega na manumanu e vuravura.
3Na manumanu kecega sa wase sara na kena ququ, ka sa mama vakarua na kena, oqo ga mo ni kania.
4Ia ko ira oqo vei ira sa mama vakarua na kena, kei ira sa wase sara na kena ququ, ni kakua ni kania: na kameli, ni sa mama vakarua na kena, ia sa sega ni wase sara na kena ququ; sa sega ni savasava vei kemuni.
5Kei na koni, sa mama vakarua na kena, ia sa sega ni wase sara na yavana; sa sega ni savasava vei kemuni.
6Kei na eri, sa mama vakarua na kena, a sa sega ni wase sara na yavana; sa sega ni savasava vei kemuni.
7Kei na vuaka, sa wase sara na kena ququ, ka sa sega ni mama vakarua na kena; sa sega ni savasava vei kemuni.
8Mo ni kakua ni kania na lewedra, mo ni kakua talega ni tara na yagodra ni sa mate; era sega ni savasava vei kemuni.
9“Oqo kemuni rawa ni kania, mai na veika kecega e loma ni wai. A ka sa vakatutuna ka vakavarina mai wai, e na waitui, kei na uciwai, mo ni kania.
10Ia na ka kecega sa sega ni vakatutuna ka vakavarina e na waitui, kei na uciwai, e na ka kecega sa yavavala e na wai, kei na ka bula kecega sa tiko e wai, era na ka vakasisila vei kemuni.
11Ia mo ni vakasisilataka; mo ni kakua ni kania na lewedra, ia mo ni vakasisilataka na yagodra ni sa mate.
12A ka kecega mai wai sa sega ni vakatutuna ka sega ni vakavarina, sa na ka vakasisila vei kemuni.
13“Ia na ka oqo kemuni na vakasisilataka vei ira na manumanu vuka. Me ra kakua ni laukana; ni ra sa ka vakasisila: na ikeli kei na kia ikeli,
14kei na osipere; kei na kaite, kei na veimataqali vulituri;
15na mataqali reveni kecega;
16na ositeriji; kei na mataqali lulu kecega kei na manulevu;
17io na lulu tabu kei na lulu tani,
18kei na veimataqali suani,
19kei na veimataqali belo, kei na upupa; kei na beka.
20“A manumanu vuka kecega sa dauqasi, sa yavai va, me ka vakasisila vei kemuni.
21Ia na ka oqo kemuni na kania mai vei ira na ka kecega sa vuka ka qasi e na yavana vava, sa vakasagana ka yava balavu, me dau lade kina e dela i vuravura;
22io oqo ga vei ira kemuni na kania; na veimataqali vodre.
23Ia na ka tani kecega sa vuka ka qasi, sa yavai va, sa na ka vakasisila vei kemuni.
Na Manumanu Tawa Savasava24“Ia na ka oqo kemuni na sega ni savasava kina. O ira kecega sa tara na yagodra ni sa mate, ena sega ni savasava ka yacova na yakavi.
25Ia ko koya yadua sa colata tani na yagodra ni sa mate, me sa sava nona i sulu, ena sega talega ni savasava ko koya ka yacova na yakavi.
26 A yago mate ni manumanu kecega sa wase na kena ququ, ka sega ni basika na kena wase, se sega ni mama vakarua na kena, sa sega ni savasava vei kemuni. Ko ira yadua sa tara ena sega ni savasava.
27Ia na ka kecega sa lako e na qalokana, vei ira na yavusa manumanu kecega sa lako e na yavana vava, oqori sa sega ni savasava vei kemuni. O ira kecega sa tara na yagodra ni sa mate, ena sega ni savasava ka yacova na yakavi.
28Kei koya sa colata tani na yagodra ni sa mate, me sava nona i sulu, ia ena sega ni savasava ka yacova na yakavi; era sa sega ni savasava vei kemuni.
29“A ka talega oqo ena sega ni savasava vei kemuni e na ka sa dauqasi e dela i vuravura; na veimataqali kalavo kei na moko,
30io na veimataqali moko kece, kei na vokai.
31Sa sega ni savasava na ka oqo vei kemuni, vei ira na ka kecega sa dauqasi. O ira kecega sa tara, ni sa mate, ena sega ni savasava ka yacova na yakavi.
32Kei na ka kecega sa lutu kina e dua na ka oqo, ni sa mate, ena sega ni savasava; se dua nai yaya kau, se i sulu, se kulina, se taga, se nai yaya tani, sa caka kina e dua na ka, me toni ki wai, ia ena sega ni savasava ka yacova na yakavi; ia ena qai savasava.
33Kei na bilo qele kecega, sa lutu ki loma e dua na ka oqo, a ka kece sa tu kina ena sega ni savasava, ia na bilo me vorolaki.
34A kakana kecega sa tiri kina na wai ko ya, ena sega ni savasava; kei na wai kecega e gunuvi e na bilo kece vaka, ena sega ni savasava.
35Kei na ka kecega sa lutu kina e dua na tiki ni yagodra ni sa mate, ena sega ni savasava. Na lovo, se i tutu ni kuro, me sa basuki sobu; sa qai sega ni savasava, ia me sega ni savasava vei kemuni.
36Ia na mataniwai ga, se nai keli-wai, sa levu kina na wai, ena savasava, ia na ka sa tara na yagodra ni sa mate, ena sega ni savasava.
37Ia kevaka e dua na tiki ni yagodra sa lutuka e dua na sore ni sila sa la'ki kaburaki, ena savasava;
38ia kevaka sa vakasuasuataki na sore ni sila, a sa lutu kina na yagodra ni sa mate, ena sega ni savasava vei kemuni.
39“Ia kevaka sa mate e dua na manumanu sa daulaukana vei kemuni, ko koya sa tara na yagona ena sega ni savasava ka yacova na yakavi.
40Ia ko koya sa kania e dua na tiki ni yagona ni sa mate, me sava nona i sulu, ia ena sega ni savasava ka yacova na yakavi. O koya talega sa colata na yagona ni sa mate, me sava nona i sulu, ena sega ni savasava talega ka yacova na yakavi.
41“Ia na ka dauqasi kecega sa qasi e na dela i vuravura sa ka vakasisila; me kakua ni laukana.
42A ka kecega sa dolo e na ketena, kei na ka sa lako e na yavana vava, kei na ka kecega sa vuqa na yavana e na ka dauqasi kecega sa qasi e dela i vuravura, oqori mo ni kakua ni kania; ni sa ka vakasisila.
43Mo ni kakua ni vakayacora na nomuni vakasisilataki, e na dua na ka sa dauqasi, sa qasi voli, mo ni kakua talega ni vakatawasavasavataki kemuni e na ka oqori, mo ni dukadukali kina.
44Vsoro 19.2; 1Pita 1.16Ni sai au ko Jiova na nomuni Kalou. O koya mo ni vakasavasavataki kemuni, mo ni savasava, ni'u sa savasava koi au. Ia ni kakua ni vakadukadukalitaki kemuni e na dua na yavusa ka sa dauqasi, sa qasi e dela i vuravura.
45Ni sai au ko Jiova, sa kauti kemuni cake mai na vanua ko Ijipita, me'u nomuni Kalou. Ia mo ni savasava kina, ni'u sa savasava koi au.”
46Sa vakaoqo nai vakaro e na vuku ni manumanu e yavai va, kei na manumanu vuka, kei na ka kecega sa bula voli e na wai, kei na ka kecega sa qasi e dela i vuravura;
47me vakatakilakilataki na ka e sega ni savasava, kei na ka e savasava, na manumanu talega e tara ni laukana, kei na manumanu e tabu ni laukana.
Who We AreWhat We EelieveWhat We Do
2025 by iamachristian.org,Inc All rights reserved.
