1A sa vosa vei Mosese ko Jiova, ka kaya,
2“Mo kaya vei ira na Isireli: Kevaka sa dua na tamata sa bubului e na vuku ni ka sa sega ni daucaka, era na qai nei Jiova me vaka ko sa lewa me kedrai voli.
3Ia na ka ko na lewa me kenai voli ni tagane sa ruasagavulu na nona yabaki ka yacova sara na onosagavulu, ena limasagavulu na sikeli siliva, me vaka na sikeli ni tikina tabu.
4Ia kevaka sa yalewa, mo qai lewa me tolusagavulu na sikeli na kenai voli.
5Ia kevaka sa lima ga na kena yabaki ka yacova sara na yabaki e ruasagavulu, mo qai lewa me ruasagavulu na sikeli me kenai voli ni tagane, ka tini na sikeli me kenai voli ni yalewa.
6Ia kevaka sa dua ga na nona vula ka yacova sara na yabaki e lima, mo qai lewa me lima na sikeli siliva me kenai voli ni tagane, ka tolu na sikeli siliva me kenai voli ni yalewa.
7Ia kevaka e tagane sa onosagavulu na nona yabaki se levu cake, mo qai lewa me tinikalima na sikeli na kenai voli; ka tini na sikeli me kenai voli ni yalewa.
8Ia kevaka sa dravudravua ko koya, ka sega ni rawata na ka ko sa lewa, me qai kau vua na bete, ka me lewa na kenai voli na bete; me vaka na ka sa rawata ko koya sa bubuluitaka, me lewa na kenai voli ko koya na bete.
9“Ia kevaka sa kau mai e dua na manumanu e yavai va, me sa cabori mei madrali vei Jiova, me tabu kecega oqo sa soli vei Jiova.
10Me kakua ni vakaisosomitaka ko koya, se kauta e dua tale, a ka vinaka mei sosomi ni ka ca, se na ka ca mei sosomi ni ka vinaka; ia kevaka sa mani vakaisosomitaka na manumanu e yavai va, ena qai tabu ruarua, na manumanu ko ya kei na kenai sosomi talega.
11Ia kevaka sa manumanu sa sega ni savasava, ka sa sega ni dau kau mai kina mei madrali vei Jiova, me qai vakaraitaka ko koya na manumanu e na mata ni bete.
12Me qai lewa na kenai voli na bete, se sa vinaka se sa ca; na ka ko sa lewa kina na bete, ena vakabau.
13Ia kevaka sa via volia tale me nona tiko, me qai vakaikuritaki e na dua-nai-kalima na ka ko sa lewa me kenai voli.
14“Ia ni sa vakatabuya na nona vale e dua na tamata me tabu me nei Jiova, me qai lewa na kenai voli na bete, se sa vinaka se sa ca; ia na ka sa lewa kina na bete, me sa vakabau.
15Ia kevaka sa via volia tale na vale me nona tikoga ko koya ka vakatabuya, me qai vakaikuritaka nai lavo ko sa lewa me kenai voli e na dua-nai-kalima, ena qai nona tikoga.
16“Ia kevaka sa vakatabuya me nei Jiova e dua na tiki ni vanua sai taukei kina e dua na tamata, mo qai lewa na kenai voli me vaka na levu ni sila me kaburaki kina, e limasagavulu na sikeli siliva me sa kenai voli ni dua na omeri barile me kaburaki.
17Kevaka sa vakatabuya na nona tiki ni vanua e na yabaki ni jiupili, na nomu lewa kina ena vakabau.
18Ia kevaka sa oti na jiupili ni sa vakatabuya na nona tiki ni vanua, me qai wilika vua nai lavo ko koya na bete, me vaka na yabaki sa vo tiko me yacova na yabaki ni jiupili, ia me vakalailaitaki sobu na ka ko sa lewa me kenai voli.
19Ia kevaka sa via volia tale me nona tiko na tiki ni vanua ko koya ka vakatabuya, ena qai vakaikuritaka nai lavo ko sa lewa me kenai voli e na dua-nai-kalima; ena qai vakataudeitaki vua.
20Ia kevaka sa sega ni via volia ko koya me nona tale na tiki ni vanua, se sa volitaka oti vua na tamata tani, ena qai sega ni rawa me voli tale me nona.
21Ia na tiki ni vanua, ni sa suka e na jiupili, ena tabu me nei Jiova, me vaka na tiki ni vanua sa vakatabui; ena taukena ga na bete.
22Ia kevaka sa dua na tamata sa vakatabuya me nei Jiova e dua na tiki ni vanua sa volia ko koya, sa sega ni kenai taukei kina eliu ko koya;
23me wilika vua na kenai voli me yacova na yabaki ni jiupili ko koya na bete, me vaka ko sa lewa; me qai solia ko koya e na siga dina ko ya, na kenai voli ko sa lewa, me ka tabu me nei Jiova.
24E na yabaki ni jiupili ena suka na tiki ni vanua vua ka volitaka, io vei koya ka taukena eliu na vanua.
25Ia nai voli ni ka kecega ko sa lewa sa na vaka na sikeli ni tikina tabu: e ruasagavulu na kera me dua na sikeli.
26“Ia na ulumatua ni manumanu, sa ulumatua nei Jiova, me kakua na tamata me vakatabuya; se bulumakau, se sipi; sa nei Jiova.
27Ia kevaka sa manumanu sa sega ni savasava, me qai volia tale ko koya me vaka na ka ko sa lewa me kenai voli, ia me vakaikuritaka e na dua-nai-kalima; ia kevaka sa sega ni voli tale, me na qai volitaki me vaka na ka ko sa lewa me kenai voli.
28 Tiko 18.14 “Ia me kakua ni volitaka se volia tale me nona e dua na tamata na ka sa vakatabui oti, se sa na vakatabuya ko koya, me nei Jiova, se tamata, se manumanu e yavai va, se tiki ni vanua sa taukena; na ka kecega sa vakatabui sa tabu sara me nei Jiova.
29Ko ira kece sa vakatabui, mai vei ira na tamata, me kakua ni voli tale; ena vakamatei vakaidina.
30 Tiko 18.21; Vrua 14.22-29 “Ia nai katini ni vuata kecega ni vanua, na sila ni vanua, se na vuanikau, sa nei Jiova; sa tabu me nei Jiova.
31Ia kevaka sa dua na tamata sa via volia tale nai katini ni nona ka eso, me qai vakaikuritaka tale e na dua-nai-kalima.
32Ia na kenai katini ni qele ni bulumakau, se na qele ni sipi, io na ka kecega sa lako e ruku ni titoko, io na kenai katini, sa na tabu me nei Jiova.
33Me kakua ni digitaka na tamata na ka vinaka se na ka ca, ia me kakua ni vakaisosomitaka; ia kevaka sa vakaisosomitaka, ena qai tabu ruarua, na ka ko ya kei na kenai sosomi talega, me kakua ni voli tale me nona.”
34Oqo nai vakaro sa vakarota ko Jiova vei Mosese me tukuna vei ira na Isireli, e na Ulunivanua ko Saineai.
Who We AreWhat We EelieveWhat We Do
2025 by iamachristian.org,Inc All rights reserved.
