1 Samuela Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Matai ni Vola i Samuela e volai kina na kedrai tukutuku na Isireli mai na nodra gauna na dauveilewai ki na gauna e basika kina na veiliutaki vakatui. Na veiveisau ka yaco ena nodra bula na Isireli e kunei ni ratou vakaitavi vakalevu kina e lewe tolu na turaga: ko Samuela, ka i otioti ni dauveilewai; ko Saula, ka i sevu ni tui; kei Tevita, nai karua ni tui ka curu maliwa na kedrau i tukutuku ko Samuela kei Saula na kenai talanoa ni se cauravou lailai.Na vakasama levu e koto ena i vola oqo e tautauvata kei na kedra eso mai na veivola ni Veiyalayalati Makawa, o ya ni noda yalodina vua na Kalou ena kauta mai na veika vinaka, ka basika na leqa kevaka eda talaidredre. Oqo e dusimaki vakamatata ena vosa ni Kalou vei Ilai na bete (2.30) ni a kaya, Au na vakarokorokotaki ira era sa vakarokorokotaki au, ia ko ira era sa beci au, era na beci talega.Nai vola oqo e volai kina na duidui ni vakasama me baleta na kena tauyavutaki na veiliutaki vakatui. Na Kalou vakataki koya sa kilai deivaki tu ni nodra tui dina ga na Isireli; ia me vaka na nodra gagadre na tamata, sa digitaka kina na Kalou e dua me nodra tui. Ia na ka bibi duadua o ya ni o koya na tui kei ira na Isireli era bula taucoko ena ruku ni veiliutaki ni Kalou (2.7-10). Ena ruku ni veiliutaki Vakalou, sa rokovi vakatautauvata na nodra dodonu na tamata kece sara, se ra vutuniyau se dravudravua.Na Lewe ni VolaKo Samuela na dauveilewai e Isireli 1.1—7.17

Sa yaco me tui ko Saula 8.1—10.27

Nai tekitekivu ni veiliutaki vakatui i Saula 11.1—15.35

Ko Tevita kei Saula 16.1—30.31

Na mate i Saula kei ira na luvena tagane 31.1-13