1Oqo na vosa i Jiova vei Jeremaia na parofita ka baleti ira na veimatanitu.
2Aisea 19.1-25; Isi 29.1—32.32Io sa baleti Ijipita, kei ira na mataivalu i Fero-niko na tui Ijipita mai na uciwai ko Uferetisi mai Kakimisi, oqori ka yavita ko Nepukanesa na tui Papiloni e nai kava ni yabaki i Jioiakimi na luve i Josaia na tui Juta:
3“Dou vakarautaka nai sasabai kei nai vakaruru,
ka toro voleka me ia nai valu!
4Vauca na kedrai yaya ki na ose;
ka vodo, koi kemudou sa dauvodo ose!
Ka dou tu yani ka vakaisala vakaivalu tu;
dou solota na moto,
sulumaka nai sulu ni valu!
5A cava ka'u sa raici ira kina ka ra sa taqaya?
Era sa vuki vakanadaku;
ko ira na nodra qaqa era sa moku,
ka ra sa dro sara.
Era sega ni rai ki muri—
sa voliti ira na rere!
sa kaya ko Jiova.
6“Kakua ni dro ko koya sa yava totolo,
se dro bula ko koya sa qaqa;
era na tarabe ka bale vaka ki na mata ni vualiku
mai na uciwai ko Uferetisi.
7“Ko cei oqo sa lako cake mai vaka na waluvu,
ka vaka na uciwai sa vakaua na kena wai?
8Ko Ijipita sa tubu cake mai me vaka na waluvu,
ka vaka na uciwai sa vakaua na kena wai;
a sa kaya ko koya, ‘Au na tubu cake ka luvuca na vanua;
au na vakarusa na koro kei ira sa tiko kina.’
9Dou lako cake mai, na ose,
ka dou cici vakalialia mai, na qiqi-ni-valu!
Ka dou cabe mai, na qaqa;
koi kemudou na kai Kusi kei na kai Libiya, sa dauvakasasabai;
kei kemudou na kai Litia, sa dauyavia na dakai.
10Oqo na nona siga na Turaga ko Jiova-ni-lewevuqa,
na siga ni veisausaumi,
me cudruvi ira kina na nona meca.
Ia ena kana ga nai seleiwau,
ena mamau ka mateni e na kedra dra.
Ni sa dua na nona i madrali na Turaga ko Jiova-ni-lewevuqa
mai na vanua ki na vualiku,
e na bati ni uciwai ko Uferetisi.
11Mo lako cake ki Kiliati, ka vakayagataka nai lumu wainimate,
ko iko na goneyalewa ni Ijipita!
Ena sega ni yaga ni sa levu mai na kemu wainimate;
ni ko na sega ni bula.
12Era sa rogoca ko ira na veivanua na nomu madua,
ia na nomu qoqolou sa robota na vanua;
ni rau sa veitarabetaki koi rau na qaqa,
ka rau sa bale vata ruarua.”
Ena Ravuti Ijipita ko Papiloni13 Jere 43.10-13 A vosa sa tukuna ko Jiova vei Jeremaia na parofita, e na vuku ni nona lako mai ko Nepukanesa na tui Papiloni, me samuta na vanua ko Ijipita:
14“Dou tukuna ki Ijipita, ka vakarogoya ki Mikitoli,
kei Memifisi kei Tapanesi;
dou kaya, ‘Mo tudei ga, ka vakarau tu;
ni sa ravuravu nai seleiwau vei ira sa vakavolivoliti iko.’
15A cava era sa vakasevi tani kina na nomu qaqa?
Era sa sega ni tucake rawa,
ni sai Jiova sa vakasevi ira.
16Sa vakabalei ira na lewe vuqa ko koya,
ka ra sa dui bale ka veibikabikai;
a ra sa kaya, ‘Tucake, me da lesu kivei ira na kai noda,
ki na vanua eda a sucu mai kina,
e na vuku ni seleiwau ni veivakararawataki.’
17Era a kaci mai kea,
‘Sa ue walega ko Fero na tui Ijipita;
sa sivia ko koya na gauna ka lokuci.’
18“Me vaka na dina ni noqu bula, sa kaya na Tui,
ko Jiova-ni-lewevuqa na yacana,
ni sa vakataki Tepori ni sa tu dina e na maliwa ni veiulunivanua,
ka vakataki Kameli ni sa tu dina e na bati ni waitui,
ena lako dina ga mai ko koya.
19Ko iko na goneyalewa ka tiko mai Ijipita,
mo vakarautaka nai yaya ni nomu lako tani vakabobula!
Ni na lala ko Memifisi
ka na vakamai me sega e dua e tiko kina.
20“Sa vaka e dua na luve ni bulumakau matavinaka ko Ijipita,
ia sa lako mai na lago dauveikata mai na vualiku ka kati koya.
21Ko ira na nona tamata voli talega era tiko kina
era sa vaka na bulumakau uro;
io, era sa vuki talega ka ra dro vata yani;
era sa sega ni tudei;
ni sa yacovi ira na siga ni nodra ca,
na gauna me ra cudruvi kina.
22“A domona, ena rogo yani me vaka na domo ni gata;
ni ra sa lako vakaivalu mai,
era lako mai vua ka ra vakamatau tu,
me vakataki ira na dauta kau.
23Era na taya sobu na nona veikau,
sa kaya ko Jiova,
ka dina ga ni dredre sara ni lako curumi;
ni ra sa lewe vuqa ka lewe lailai na vodre,
ka ra sega ni wili rawa.
24Ena madua mai na goneyalewa ni Ijipita;
ena soli ga ki na ligadra na tamata mai na mata ni vualiku.”
25Sa kaya ko Jiova-ni-lewevuqa, na nodra Kalou na Isireli; “Raica, au na cudruvi Amoni mai Tepisi, kei Fero, kei Ijipita, kei ira na nodra kalou, kei na nodra tui, io ko Fero kei ira kecega era vakararavi vua.
26Ia ka'u na soli ira ki na ligadra era sagai ira me ra vakamatea, io ki na liga i Nepukanesa na tui Papiloni, kei na ligadra na nona tamata; ka oti, ena tawa tale me vaka e na gauna eliu, sa kaya ko Jiova.
Na Kalou e na Vakabulai Isireli27 Jere 30.10,11 “Ia ko iko, mo kakua ni rere, Jekope na noqu tamata,
io kakua ni ko taqaya, na Isireli;
koi au, ka'u na vakabulai iko mai na vanua vakayawa,
kei na nomu kawa mai na vanua era sa bobula kina;
ia ena lesu mai ko Jekope, me tiko vakacegu ka vinaka,
ka sega e dua ena vakarerea.
28Mo kakua ni rere, ko iko Jekope na noqu tamata,
sa kaya ko Jiova;
ni'u sa tiko vata kei iko.
Ni'u na vakaotia sara na veimatanitu kecega ka'u sa vakasevi iko kina,
ia ko iko, ka'u na sega ni vakaotia sara!
Ka'u na vakanakuitataki iko vakavinaka ga,
ni ko na sega ni dro bula sara.”
Who We AreWhat We EelieveWhat We Do
2025 by iamachristian.org,Inc All rights reserved.
