Same 141 - Ai Vola Tabu (Vakadewa Makawa Vakavoutaki 2021)（FRV21）

A Masu ni Kere Veitaqomaki mai na Veika Ca A Same i Tevita.

1I Jiova, au sa tagi vei kemuni; mo ni kusarawa mai vei au;

mo ni vakatu daligamuni ni'u sa tagi vei kemuni.

2 Vtaki 5.8 Me tikotiko ga e matamuni na noqu masu

me vaka nai madrali boi vinaka;

kei na noqu dodoka na ligaqu

me vaka nai madrali ni vakayakavi.

3Mo ni lesia, i Jiova, nai vakatawa ki na gusuqu;

mo ni vakaraica na katuba ni tebenigusuqu.

4Me kakua ni goleva na ka ca na lomaqu,

me kitaka nai valavala ca

kei ira na tamata daucaka ca;

ia me'u kakua ni kania na kedra ka kamikamica.

5Me yaviti au ko koya na yalododonu e na yalololoma;

ia me vunauci au ko koya.

Ena vaka na waiwai talei ki na uluqu,

ena sega ni bureitaka na uluqu;

ia ka'u na masu ga ni ra sa ia tiko na ca.

6Ni sa bale e na vanua veivatu ko ira na nodra turaganilewa;

era na rogoca na noqu vosa, ni ra sa kamikamica.

7Me vaka e dua sa cukicuki ka sa tu na qele qa e na dela ni soso,

sa veibiuyaki vakakina na suidra ki na gusu ni bulubulu.

8Ia sa rai vei kemuni ga, i Jiova na Turaga, na mataqu;

au sa vakararavi vei kemuni; kakua ni laiva wale tu na yaloqu.

9Ni maroroi au mai na dai era birika vei au,

kei na nodra i cori nai valavala ca.

10Me ra bale ko ira nai valavala ca ki na nodra lawa,

ka me'u sa dro bula duadua koi au.