Vakatakila 9 - Ai Vola Tabu (Vakadewa Makawa Vakavoutaki 2021)（FRV21）

1A sa uvuca nai kalima ni agilosi, ia ka'u a raica e dua na kalokalo sa lutu mai lomalagi ki vuravura, ka sa soli vua nai dola kei bulubulu e sega ni vakabotona.

2Vteki 19.28A sa dolava ko koya nai bulubulu e sega ni vakabotona; a sa kuvu cake na kubou mai bulu, me vaka na kubou ni lovo levu; a sa butobuto na mata-ni-siga kei na macawa e na vuku ni kubou sa kuvu cake mai bulu.

3Lako 10.12-15A sa lako tani mai na kubou na vodre me tiko e vuravura, ka sa soli vei ira na kaukauwa, me vaka na nodra kaukauwa na batibasaga kei vuravura.

4Isi 9.4A sa vakaroti vei ira me ra kakua ni vakacacana na co e vuravura, se dua na ka karakarawa, se dua na kau; ko ira ga na tamata sa sega ni volai e na yadredra nai vakatakilakila ni Kalou.

5A sa soli vei ira me ra kakua ni vakamatei ira, ka me ra vakararawataki ira ga ka vula lima, ia na nodra rarawa e vaka na rarawa ni sa katia na tamata na batibasaga.

6Jope 3.21; Jere 8.3E na siga oqori era na domomate ko ira na tamata, ia ena sega ni yacovi ira; era na gadreva me ra mate, ia ena dro tani mai vei ira na mate.

7 Joeli 2.4 Ia na kedrai rairai na vodre sa vaka na ose sa vakarau me laki valu. Ia sa toka e uludra na ka sa vaka nai sala koula, ia na matadra sa vaka na mata ni tamata.

8Joeli 1.6Ia na drau ni uludra sa vaka na drau ni ulu ni yalewa, ia na batidra sa vaka na batidra na laione.

9Joeli 2.5Ia nai sasabai ni lomaseredra, sa vaka nai sasabai kaukamea ni seredra; ia na cakucaroba ni tabadra sa vaka na vadugu ni qiqi-ni-valu, kei na ose e vuqa ni ra sa cici ki nai valu.

10Ia na buidra sa vaka na bui ni batibasaga, a sa tiko e buidra na batidra, ka ra sa rawata kina me vakararawataki ira na tamata ka vula lima.

11Ia sa dua na nodra tui, na agilosi ni bulubulu e sega ni vakabotona, a yacana e na vosa vaka-Iperiu ko Apatoni, ia na yacana e na vosa va-Kirisi ko Apolioni.

12Sa dua na ka ca sa oti; ia ka raica, sa rua tale na ka ca se bera ni lako mai.

13 Lako 30.1-3 Ia sa uvuca nai kaono ni agilosi, ia ka'u sa rogoca e dua na vosa mai na tutuna momoto vava ni cabocabo-ni-soro koula sa tu e na mata ni Kalou,

14sa kaya vua nai kaono ni agilosi sa taura na davui, “Sereki iratou na agilosi e lewe va, eratou sa vesu tu mai na uciwai levu ko Uferetisi.”

15A sa sereki ko iratou na agilosi e lewe va, a ratou sa vakarau me dua na nodratou aua, ka dua na nodratou siga, ka dua na vula, ka dua na yabaki, me ratou vakamatea nai katolu ni wase ni tamata.

16Ia na kedrai wiliwili na mataivalu sa rua na drau na milioni era sa vodo ose; ia ka'u a rogoca na kedrai wiliwili.

17Ia ka'u a raici ira na ose vakaoqo e na raivotu, kei ira sa vodo tiko kina, ai sasabai ni lomaseredra na bukawaqa, kei na vatu damudamu, kei na sulifure; ia na ulu ni ose e vaka na ulu ni laione; a sa lako tani mai na gusudra na bukawaqa kei na kubou kei na sulifure.

18A ra sa vakamatei ko ira nai katolu ni wase ni tamata, e na ka ca tolutolu oqo, e na bukawaqa, kei na kubou, kei na sulifure, sa lako mai na gusudra.

19Ni sa tu na nodra kaukauwa e na gusudra, kei na buidra, ni sa vaka na gata na buidra, a ra sa vakaulu, a ra sa kitaka kina na ka ca.

20 Same 115.4-7; 135.15-17; Tani 5.23 Ia ko ira na tamata sa vo era sa sega ni vakamatei e na mate ca oqo, era sa sega ni veivutunitaka na cakacaka ni ligadra, me ra kua ni vakarokoroko ki na tevoro eso, kei na matakau koula, kei na siliva, kei na parasa, kei na vatu, kei na kau, oqori sa sega ni rai rawa, se rogo rawa, se lako voli.

21Era sa sega talega ni veivutunitaka na nodra daulaba, se na nodra cakacaka vakatevoro, se na nodra dauveidauci, se na nodra daubutako.