1E dua beka vei kemudou sa doudou, ni rau sa veicudruvi kei na dua tale, me rau laki lewai e na matadra na tawa-yalododonu, ka me kakua ga e na matadra na lotu?
2Dou sa sega beka ni kila ni na lewai ira na kai vuravura ko ira era sa lotu? Ia kevaka dou na lewai ira na kai vuravura, dou sa sega beka ni yaga mo dou lewa na ka lalai sara?
3Dou sa sega beka ni kila ni da na lewai ira na agilosi? Ia ka sega li ni vakalevu cake me da lewa na veika vakavuravura oqo?
4Ia kevaka dou sa ia na veilewai e na ka vakavuravura, dou lesi ira kina era sa dokai vakalailai sara e nai soqosoqo lotu?
5Au sa vosa, mo dou madua kina. E dina beka ni sa sega sara e dua vei kemudou sa vuku, me lewai ira rawa na wekana?
6A ra sa lako na veiwekani me ra veilewai, io, e na matadra era sa sega ni vakabauta?
7Ia sa qai ka ca vakaidina vei kemudou oqo, ni dou sa dau kauta na ka ki na veilewai. E vakaevei ni dou sa sega ni vosota ni dou sa vakacacani? E vakaevei ni dou sa sega ni vosota ni dou kovei?
8Ia koi kemudou, dou sa dauveivakacalai, dou sa daukovekove, io, vei ira na wekamudou.
9Dou sa sega beka ni kila ni na sega ni rawata na matanitu ni Kalou ko ira sa sega ni yalododonu? Dou kakua ni vakaisini kemudou! O ira na dauveidauci, kei ira na dausoro ki na matakau, kei ira na dauveibutakoci, kei ira na tagane dauvolitaki ira, kei ira na veimoceri vakatagane,
10kei ira na daubutako, kei ira na daukocokoco, kei ira na daumateni, kei ira na dauveivakasewasewani, kei ira na daukovekove—era na sega ni rawata na matanitu ni Kalou ko ira oqo.
11Ia dou sa vakakina eliu koi kemudou eso. Ia dou sa sili, dou sa vakasavasavataki, dou sa vakadonui e na yaca ni Turaga ko Jisu Karisito kei na Yalo ni noda Kalou.
Me Vakalagilagi na Kalou ena Yago kei na Yalo12 1Kori 10.23 “Sa tara vei au na ka kecega,” ia ka sa sega ni yaga na ka kecega. “Sa tara vei au na ka kecega,” ia ka'u na sega ni laiva me rawai au e dua na ka.
13“Sa ka ni kete na kakana, ka sa ka ni kakana na kete,” ia ena vakarusai rau ruarua na Kalou. Ia na yago sa sega ni ka ni veidauci, ia sa ka ga ni Turaga, ka sa ka ni Turaga na yago.
14Ia na Kalou ka vakatura cake na Turaga, ena vakaturi keda cake talega, e na nona kaukauwa.
15Dou sa sega beka ni kila ni sa veitiki i Karisito na yagomudou? Ia me'u kauta beka na veitiki i Karisito, ka cakava me veitiki i koya na yalewa dautagane? Me kakua sara!
16Vteki 2.24E vakaevei? Dou sa sega beka ni kila, o koya sa vauci vata kei na yalewa dautagane erau sa yago e dua bau? Ni sa kaya ko koya, “Oi rau na lewe rua, erau na yago e dua bau.”
17Ia ko koya sa vauci vata kei na Turaga erau sa duabau vata kaya vakayalo.
18Dou dro tani mai na dauveidauci! Sa ka e taudaku ni yago nai valavala ca kecega sa kitaka na tamata, ia ko koya sa dauveidauci sai valavala ca ki na yagona.
191Kori 3.16; 2Kori 6.16E vakaevei? Dou sa sega beka ni kila ni sa vale ni Yalo Tabu na yagomudou, o koya sa curumi kemudou, o koya dou sa rawata mai vua na Kalou? Dou sa sega ni nomudou,
20ni dou sa voli e nai voli. O koya oqo mo dou qai vakarokorokotaka kina na Kalou e na yagomudou.
Who We AreWhat We EelieveWhat We Do
2025 by iamachristian.org,Inc All rights reserved.
