1A sa lako cake ko Poasa ki na matamata-ni-koro, a sa tiko sobu mai kea. Ka raica, sa lako voli na wekana ka vosa kina ko Poasa. A sa kaya ko Poasa, “Mo gole mada mai, na wekaqu, mo mai dabe eke.” A sa gole mai ko koya, ka dabe sobu.
2A sa kacivi ira mai ko koya e le tini na qase e na koro ko ya, ka kaya, “Dou mai dabe eke.” A ratou sa tiko sobu.
3A sa kaya ko koya vua na wekana dina, “Ko Neomai, o koya ka lesu mai na vanua ko Moapi, sa via volitaka e dua na tiki ni vanua, ka nei Elimeleki na wekadaru.
4Ia ka'u a nanuma me'u tukuna vei iko, ka kaya vakaoqo: ‘Mo volia e matadra na lewe ni koro, kei na matadra na qase ni kai noqu.’ Kevaka ko via volia, mo volia ga. Ia kevaka ko na sega ni via volia, mo tukuna mai vei au, me'u kila, ni sa sega e dua tale me volia, ko iko ga; ia ka'u sa taravi iko.” A sa kaya ko koya, “Au na volia.”
5A sa qai kaya ko Poasa, “E na siga ko sa volia kina na tiki ni vanua mai vei Neomai, e dodonu mo taura mai vei Ruci talega na yalewa ni Moapi, na wati koya sa mate, ka vakatubura na yacana sa mate ki na nona i votavota.”
6Sa qai kaya ko koya na wekana, “Au sa sega ni volia rawa me noqu, de'u sa vakacacana na noqu i votavota. Mo volia ga ko iko na ka sa dodonu me'u volia, ni'u sa sega ni volia rawa.”
7 Vrua 25.9 Ia sa dau vakaoqo na kenai valavala eliu e Isireli, ni sa ia na veivoli lesu kei na veisau: ka sala me vakataudeitaka kina na veivoli oqo me luvata na nona i vava e dua vei rau na tamata, ka solia vua na kenai karua; ia oqo sa kenai vakarau vei ira na Isireli.
8A sa kaya kina vei Poasa ko koya na wekana, “Mo volia me nomu,” ka sa qai luvata na nona i vava.
9A sa kaya ko Poasa vei ira na qase kei ira kecega na tamata, “Dou sa kila edaidai ni ka'u sa volia mai vei Neomai na ka kecega ka nei Elimeleki, kei na ka kecega sa nei Kilioni kei Maloni.
10Vrua 25.5,6Ko Ruci talega na yalewa ni Moapi, na wati Maloni, ka'u sa volia me watiqu, me'u vakatubura na yacana sa mate ki na nona i votavota, ka me kakua ni yali na yaca ni mate vei ira na wekana, kei na matamata-ni-koro ni nona tikina. Dou sa kenai vakadinadina e na siga oqo.”
11Vteki 29.31Era sa qai kaya ko ira na tamata kecega ka tiko mai na matamata-ni-koro, kei ira na qase, “Keimami sa kenai vakadinadina. Me lewa ko Jiova na yalewa oqo sa lako mai ki na nomu vale me tautauvata kei Raijeli, ka tautauvata kei Lia, oi rau erau a tara na vale i Isireli. Ia me ka talei na nomu cakacaka mai Efiraca, ka me rogo na yacamu e Peceliema;
12Vteki 38.27-30ia na nomu vale me vaka na vale i Peresi, o koya ka vakasucuma ko Tema vei Juta, me vakakina na kawa ena solia vei iko ko Jiova mai vua na yalewa oqo.”
Na Vakawati nei Poasa kei Ruci13A sa kauti Ruci ko Poasa me watina. A sa curu vua ko koya, a sa solia vua ko Jiova me kunekune, a sa vakasucuma e dua na luvena tagane.
14A ra sa kaya vei Neomai ko ira na yalewa, “Me vakavinavinakataki ko Jiova, o koya sa sega ni biuti iko me sega na wekamu e na siga edaidai, ia ena rogo na yacana e Isireli!
15Ia ena nomu i vakavakacegu ko koya, ka na vakani iko ni ko sa qase mai; ni sa vakasucumi koya na vugomu, o koya ka lomani iko, ka sa yaga cake vei iko, ka yaga vakalailai ke le vitu na luvemu tagane.”
16A sa kauta na gone ko Neomai, ka roqota ki na lomaserena, ka sa susugi koya.
17A sa vakayacani koya ko ira na yalewa era kai nona, ka kaya, “Sa sucu e dua na gone tagane vei Neomai.” A ra sa vakatoka na yacana ko Opeti. O koya na tama i Jese, na tama i Tevita.
Nai Tuvatuva ni Kawa i Tevita18Ia oqo nai tabatamata nei Peresi: sa sucu ko Esironi na luve i Peresi,
19a sa sucu ko Rami na luve i Esironi, sa sucu ko Amenatave na luve i Rami,
20a sa sucu ko Nasoni na luve i Amenatave, a sa sucu ko Salimoni na luve i Nasoni,
21a sa sucu ko Poasa na luve i Salimoni, a sa sucu ko Opeti na luvei Poasa,
22a sa sucu ko Jese na luve i Opeti, a sa sucu ko Tevita na luve i Jese.
Who We AreWhat We EelieveWhat We Do
2025 by iamachristian.org,Inc All rights reserved.
