1 Lako 23.4,5 “Mo ni kakua ni raica na bulumakau se na sipi ni wekamuni ni sa lako sese, ka weletaka. Mo ni kauta tale vua na wekamuni.
2Ia kevaka sa sega ni voleka vei kemuni na wekamuni, se ko sa sega ni kilai koya mo ni qai kauta ki na nomuni vale, ia mo ni maroroya ka me vakasaqara mada na wekamuni, mo ni qai vakasuka tale vua.
3Mo ni kitaka vaka talega kina e na vuku ni nona asa; ia mo ni kitaka vakakina e na vuku ni nona i sulu; ia na ka kecega sa vakayalia ko koya na wekamuni, ka ko ni sa kunea, mo ni kitaka vakakina. E tabu mo ni wele kina.
4Mo ni kakua ni raica na nona asa na wekamuni se nona bulumakau, ni sa bale koto e na sala, ka weletaka. Mo ni vukei koya dina mo drau vakaduria cake tale.
5“Me kakua ni vakaisulutaka nai sulu ni tagane na yalewa, me kakua talega ni vakaisulutaka nai sulu ni yalewa na tagane; ni ra sa ka vakasisila vei Jiova na nomuni Kalou ko ira kecega era kitaka na ka oqo.
6“Kevaka ko ni sa la'ki donuya e dua na sova ni manumanu vuka e na sala, se e na dua na kau, se na qele, se tiko kina na luvena se na yaloka, a sa ovica tiko na luvena se na yaloka na tinatina, mo ni kakua ni kauta vata na tinatina kei na luvena.
7Mo ni biuta tu ga na tinatina, ia sa tara vei kemuni mo ni kauta na luvena, me yaco kina vei kemuni na ka vinaka, ka me balavu na nomuni bula.
8“Ni ko ni sa tara e dua na vale vou, mo ni qai viria e dua na bai e na dela ni nomuni vale, mo ni kakua kina ni vakayacora na dra ki na nomuni vale, kevaka sa lutu mai kina e dua na tamata.
9 Vsoro 19.19 “Mo ni kakua ni tea e na nomuni veivaini na sore ni kau tani, de vakadukadukalitaki na vua ni sore ni kau ko ni sa tea, kei na vua ni veivaini talega.
10Me rau kakua ni vakaivuataki vata na bulumakau kei na asa me yarataka nai siviyara.
11Mo ni kakua ni vakaisulu e nai sulu sa tali vata kina na ka tani, na vutika ni sipi kei na lineni.
12 Tiko 15.37-41 “Mo ni cakava e dua na manumanu e na bati ni nomuni sulu vava, ko ni sa tutuvi kina.
Nai Vakaro e Vauca na Tiko Vata ni Tagane kei na Yalewa13“Kevaka sa taura e dua me watina e dua na tagane ka rau sa veiyacovi kaya, ka sa cati koya
14ka beitaka vua na ka ca, ka vakarogocataka na yacana, ka kaya, Au a kauta na yalewa oqo; ia e na gauna ka'u a mocera kina, au sa qai sega ni kunea nai vakadinadina ni sa tabu-tagane.
15Me rau qai kauta na goneyalewa ko tamana kei tinana kei nai vakatakilakila ni nona tabu-tagane vei ira na qase ni koro, ki na matamata-ni-koro.
16Ena qai kaya na tama ni goneyalewa vei ira na qase, Au a solia na luvequ vua na tagane oqo me watina, ka sa cata ko koya;
17ka raica, sa beitaki koya vakaca, ka vaka, Au a kunea na luvemu ni sa sega ni tabu-tagane. Ia oqo nai vakatakilakila ni nona tabu-tagane na luvequ. Me rau qai tevuka nai sulu e matadra na qase ni koro.
18Ia ko ira na qase ni koro ko ya me ra qai taura na tamata ko ya, ka vakanakuitataka;
19era na totogitaki koya me dua na drau na sikeli siliva, me soli ki na tama ni goneyalewa, ni sa vakarogocataka na yacana e dua na goneyalewa tabu-tagane ni Isireli. Ia ena watina tikoga ko koya; sa tabu vua me biuta tani ni sa bula tiko ko koya.
20Ia kevaka sa dina na ka oqo, ka sa sega ni kune na nona i vakatakilakila ni tabu-tagane,
21era na qai kauta na yalewa ki na katuba ni vale nei tamana ka ra na vakavirika e na vatu na lewe ni nona koro me mate ko koya, ka ni sa kitaka na ka lialia e Isireli ni sa dautagane e na vale nei tamana. Ko ni na vakaotia kina na ca mai na kemuni maliwa.
22“Kevaka sa kune e dua na tamata ni sai valavala ca vata kei na yalewa sa vakawati, erau na mate ruarua, na tagane sa ca vata kaya na yalewa, kei na yalewa talega. Ko ni na vakaotia kina na ca mai vei Isireli.
23“Kevaka sa dua na goneyalewa tabu-tagane sa musuki vua e dua na tagane, ka sa kunei koya e na koro e dua na tagane ka rau cala kaya,
24dou na qai kauti rau ruarua yani ki na matamata ni koro ko ya, ia dou na vakaviriki rau e na vatu me rau mate, na goneyalewa e na vuku ni nona a sega ni qoqolou e na koro, kei koya na tagane ni sa vaqasea na watina na kai nona. Ko ni na kauta tani kina na ca mai na kemuni maliwa.
25“Ia kevaka e dua na tagane sa kunea mai na veiwere e dua na goneyalewa sa musuki me vakawati, ka sa tauri koya vakaukauwa na tagane ka vakacacani koya, me na qai mate duaduaga na tagane sa kucu.
26Ia mo ni kakua ni kitaka e dua na ka vua na goneyalewa; sa sega na ka e dodonu me mate kina na goneyalewa. Ni sa tautauvata na ka oqo kei na nona tu e dua na tamata ka vakamatea na kai nona.
27Sa kunei koya e na veiwere ko koya, a sa qoqolou na goneyalewa sa musuki, ka sega e dua me vakabulai koya.
28 Lako 22.16,17 “Kevaka e dua na tagane sa kunea e dua na goneyalewa sa tabu-tagane, ka sa sega ni musu, ka sa taura, ka moce vata kaya, ka rau sa kune,
29ena qai solia ki na tama ni goneyalewa ko koya na tagane sa moce vata kaya e limasagavulu na sikeli siliva, ia ena qai watina ko koya; ni sa vaqasei koya, sa tabu vua me biuta tani ni sa bula tiko ko koya.
30 Vsoro 18.8; 20.11; Vrua 27.20 “Sa tabu vua na tagane me vakawati kei na wati tamana, ka sa sega kina ni vakarairaitaka na luvawale nei tamana.
Who We AreWhat We EelieveWhat We Do
2025 by iamachristian.org,Inc All rights reserved.
