1Dou rogoca na vosa oqo ka'u sa lagata, io na kemudou lele, na vale i Isireli:
2“Sa bale na goneyalewa ko Isireli,
ena sega ni tucake tale;
sa biu laivi tu e nona vanua,
sa sega e dua me vakaduri koya cake tale.”
3Ni sa kaya vakaoqo na Turaga ko Jiova:
“A koro ka daulako mai kina e le dua na udolu,
ena vo ga kina e le dua na drau,
kei na koro e daulako mai kina e le dua na drau
ena vo ga kina e le tini, ki na vale i Isireli.”
4Ni sa kaya vakaoqo ko Jiova ki na vale i Isireli:
“Dou golevi au, mo dou bula kina;
5ia kakua ni dou golevi Peceli,
kakua talega ni curu ki Kilikali,
kakua talega ni lako ki Peri-sepa;
ni ko Kilikali ena kau tani vakabobula,
kei Peceli ena yaco me ka wale sara.”
6Dou golevi Jiova, mo dou bula,
de kida ko koya me vaka na bukawaqa ki na vale i Josefa,
ka sa kama voli, ka sega e dua mai Peceli me bokoca.
7Oi kemudou sa vakatanitaka na lewa dodonu me ka gaga,
kei nai valavala dodonu dou sa biuta no ga ki na qele!
8 Jope 9.9; 38.31 Dou golevi koya ka buli Akituro kei Oraioni,
ka sa vukica na butobuto loaloa me mataka,
kei na siga sa vukica ko koya me bogi butobuto;
ka sa kaciva na wai ni wasawasa,
ka sovaraka sobu ki na dela i vuravura,
ko Jiova na yacana,
9o koya sa vagumatuataki koya e vakacacani me vorata na qaqa,
me qai la'ki kaba na koro kaukauwa ko koya sa vakacacani.
10Era cati koya sa ia na veivunauci e na matamata-ni-koro,
ka vakasisilataki koya sa vosa dodonu.
11Ia ni dou sa buturaki koya sa dravudravua
ka kovea mai vua nai kaukau sila,
dou a tara na veivale e na veivatu e ta,
ia dou na sega ni tiko kina;
dou a tea na veiloga-ni-vaini domoni,
ia dou na sega ni gunuva na kena waini.
12Ni'u sa kila na nomudou dautalaidredre,
kei na levu ni nomudou i valavala ca—
koi kemudou sa vakararawataka na yalododonu, ka taura nai solisoli ni veivaqumi,
ka sa vakatala tani na dravudravua mai na matamata-ni-koro.
13O koya oqo e na tiko lo ga na yalomatua e na gauna ko ya;
ni sa gauna ca oqo.
14Dou vakasaqara na ka vinaka ka segai na ka ca,
mo dou bula kina;
ena qai tiko vata kei kemudou ko Jiova, na Kalou-ni-lewevuqa,
me vaka dou a kaya.
15Dou cata na ka ca,
ka vinakata na ka vinaka,
ka vakadeitaka na lewa dodonu e na matamata-ni-koro;
ena qai yalololoma beka ko Jiova na Kalou-ni-lewevuqa
vei ira na kena vo vei Josefa.
16O koya oqo sa kaya kina ko Jiova, na Kalou-ni-lewevuqa, na Turaga:
“E na saqata ni koro kecega ena ia na tagi;
e na salatu kece talega era na kaya, ‘Ulei! Ulei!’
Ka ra na kaciva nai vakatau-ni-were me tagi,
kei ira sa dau-ni-lele me ra mai tagi yaso;
17e na veiloga-ni-vaini kece ena ia na tagi,
ni'u na lako voli yani e na kemudou maliwa,”
sa kaya ko Jiova.
Na Siga i Jiova e Dua na Siga Butobuto18E ca vei kemudou sa gadreva me yaco na siga i Jiova!
E vaka tale evei na kena yaga vei kemudou?
A siga i Jiova sa butobuto, ka sega ni rarama;
19sa vaka na tamata sa drotaka na laione,
ka sa tavaki koya e dua na bea;
se curu ki vale ka ravita na lalaga e na ligana,
ka sa kati koya na gata.
20Ena sega li ni butobuto na siga i Jiova,
ka sega ni rarama?
Io, me butobuto sara ga,
ka sega na rarama e tu kina?
21 Aisea 1.11-14 “Au sa cata, au sa vakasisilataka na nomudou solevu,
au na sega talega ni vinakata na nomudou soqosoqo tabu.
22Ni dou vakacabora vei au nai soro kama kei na nomudou i madrali laukana,
au na sega ni vakadonuya;
ia nai soro ni veivinakati, na nomudou manumanu uro,
au na sega ni goleva.
23Kauta tani vei au na domo ni nomudou meke;
ia ka'u sa bese ni rogoca na domo ni nomudou api.
24Ia me dave yani me vaka na wai na lewa dodonu,
kei nai valavala dodonu me vaka na uciwai sa vuabale.
25 Caka 7.42,43 “Dou a vakacabora li vei au nai soro kei nai madrali e na vanua lala ka yabaki vasagavulu, oi kemudou na vale i Isireli?
26Ia dou a colata ga na vale ni nomudou Moloke kei Kaiuni na nomudou matakau, na kalokalo ni nomudou kalou, ko ya dou a cakava me nomudou.
27O koya oqo ka'u na vakauti kemudou tani kina vakabobula me sivi ko Tamasiko,” sa kaya ko Jiova, na Kalou-ni-lewevuqa na yacana.
Who We AreWhat We EelieveWhat We Do
2025 by iamachristian.org,Inc All rights reserved.
