Niemaia 3 - Ai Vola Tabu (Vakadewa Makawa Vakavoutaki 2021)（FRV21）

Na Viri Bai kei na Caka Matamata ni Koro

1Sa qai ia ko Ilaiasipi na bete levu kei ira na wekana na bete, a ra sa cakava na Matamata-ni-koro ni Sipi; era sa vakatabuya, ka vakaduria na kenai sogo; io era sa vakatabuya, ka yacova na vale-cecere i Mea, ka yacova na vale-cecere i Ananeli.

2A ra sa viri bai me taravi koya ko ira na kai Jeriko. A sa viri bai me taravi ira ko Sakuri na luve i Imiri.

3Ia era sa cakava na matamata-ni-koro ni ika ko ira na luve i Asena; a ra sa virikotora na kena kau, ka vakaduria na kenai sogo, kei na kena lawalawa kaukamea, kei na kenai vakadei.

4A sa viri bai me taravi ira ko Meremoce na luve i Uraia, na luve i Kose. A sa viri bai me ra taravi ira ko Mesulame na luve i Perekaia, na luve i Mesesapeli. A sa viri bai me taravi ira ko Setoki na luve i Peana.

5A ra sa viri bai me taravi ira ko ira na kai Tikoa; ia ko ira na nodra turaga, era sa sega ni kitaka na cakacaka ni nodra Turaga.

6Ia na matamata-ni-koro makawa sa cakava ko Jioiata na luve i Pasea, kei Mesulame na luve i Pisotaia; era sa virikotora na kena kau, ka vakaduria na kenai sogo, kei na kena lawalawa kaukamea, kei na kenai vakadei.

7A sa viri bai me taravi ira ko Melataia na Kipionaite kei Jatoni na Meronoci—koi rau na kai Kipioni kei Misipa—nai tikotiko vakaturaga ni kovana e na tai ni uciwai oqo.

8A sa viri bai me taravi koya ko Usieli na luve i Ariea, mai vei ira na matai ni koula. A sa viri bai me taravi koya ko Enanaia na luvena e dua mai vei ira na daucakaisaluaki, a ra sa vakaukauwataki Jerusalemi ka yacova na bai rabailevu.

9A sa viri bai me taravi ira ko Rifaia na luve i Uri, ko koya sa lewa e dua na wase kei Jerusalemi.

10A sa viri bai me taravi ira ko Jitaia na luve i Erumafi, e na tikina sa donuya na nona vale. A sa viri bai me taravi koya ko Atusi na luve i Esapinaia.

11Sa viria na tiki ni bai sa vo, kei na vale-cecere mai na lovo, ko Malikaia na luve i Erimi, kei Asupi na luve i Peaci-moapi.

12A sa viri bai me taravi koya ko Salumi na luve i Aloesi, ko koya sa lewa e dua na kena wase ni Jerusalemi, ko koya kei iratou na luvena yalewa.

13Sa cakava na matamata-ni-koro ki na buca ko Anuni, kei ira na kai Sanoa; era sa tara, ka vakaduria na kenai sogo, kei na kena lawalawa kaukamea, kei na kenai vakadei, ka sa dua na udolu na kiupiti ni bai ka yacova na Matamata-ni-koro ni Benu.

14A sa cakava na matamata-ni-koro ni benu ko Malikaia na luve i Rekapi, ko koya sa turaga ni dua na wase ni Peci-akerimi; sa cakava ko koya, ka vakaduria na kenai sogo, kei na kena lawalawa kaukamea, kei na kenai vakadei.

15Ia na matamata-ni-koro ni vurevure ni wai sa cakava ko Saluni na luve i Koli-ose, na turaga ni dua na yasana ko Misipa; sa cakava ko koya, ka ubia, ka vakaduria na kenai sogo, kei na kena lawalawa kaukamea, kei na kenai vakadei, kei na bai mai na drano ko Sailoa, mai na were nei koya na tui, kei nai sobusobu sa lako sobu mai na koro i Tevita.

16A sa viri bai me taravi koya ko Niemaia na luve i Asipuki, na turaga ni dua na wase ni Peci-suri, ka la'ki donuya nai bulubulu i Tevita, kei na drano ka caka, kei na nodra vale na qaqa.

Ko Ira na Livai era Viri Bai

17Sa viri bai me taravi koya ko ira na Livai, ko Riume na luve i Pani. Sa viri bai me taravi koya ko Esapaia, na turaga ni dua na wase ni Kila, e na nona tikina.

18Sa viri bai me taravi koya ko ira na wekadra, ko Pavai na luve i Enatati, na turaga ni dua na wase ni Kila.

19A sa viri bai me taravi koya ko Esa na luve i Jesua, na turaga ni Misipa, e dua tale na tikina sa donuya nai cabecabe ki na vale ni yaragi mai na tutu ni bai.

20Sa viria vagumatua na tikina sa vo, me taravi koya, ko Baruki na luve i Sapei, mai na tutu ni bai, ka yacova na katuba ni vale i Ilaiasipi na bete levu.

21Sa viri bai me taravi koya ko Meremoce na luve i Uraia na luve i Kose, e dua tale na tikina, mai na katuba ni vale i Ilaiasipi ka yacova na tutu ni vale i Ilaiasipi.

22A ra sa viri bai me taravi koya ko ira na bete era kai buca.

23Sa viri bai me taravi koya ko Penijamini kei Asupi me donuya na nodrau vale. Sa viri bai me taravi koya ko Asaraia na luve i Meesea na luve i Ananaia me voleka ki na nona vale.

24Sa viri bai me taravi koya ko Pinui na luve i Enatati e dua tale na tikina, mai na vale i Asaraia ka yacova na tiki-ni-bai kadua, io ka yacova na tutuna.

25Ko Palali na luve i Usei, sa donuya na tutuna kei na vale-cecere sa donuya na nona vale cecere na tui, sa voleka ki na bai ni valeniveivesu. Sa taravi koya ko Petaia na luve i Parose.

26(Ia ko ira na Necinimi, era a tiko mai Ofeli, ka yaco me donuya na Matamata-ni-koro ni Wai vaka ki na tokalau, kei na vale-cecere sa tu yani.)

27Sa taravi koya ko ira na kai Tikoa ka ra viria e dua tale na tikina, sa donuya na vale levu ka cecere sa tu yani, ka yacova na bai mai Ofeli.

28Sa viri bai e cake ko ira na bete mai na Matamata-ni-koro ni Ose, me donuya na nodra veivale yadua.

29Sa viri bai me taravi ira ko Setoki na luve i Ima me donuya na nona vale. Sa viri bai me taravi koya ko Semaia na luve i Sekanaia, nai vakatawa ni Matamata-ni-koro mai na Tokalau.

30Sa viri bai me taravi koya ko Enanaia na luve i Selemaia, kei Anuni nai kaono ni luve i Salafi, e dua tale na tikina. Sa viri bai me taravi koya ko Mesulame na luve i Perekaia me donuya na nona vale.

31Sa viri bai me taravi koya ko Malikaia na luve ni matai ni koula ka yacova na nodra yasana na Necinimi, kei na nodra na tamata dauveivoli, me donuya na Matamata-ni-koro ko Mifikati, ka yacova nai cabecabe ki na tutuna.

32A sa viribai ko ira na matai ni koula kei ira na tamata dauveivoli e na maliwa ni cabecabe ni tutuna ka yacova na Matamata-ni-koro ni Sipi.