Same 124 - Ai Vola Tabu (Vakadewa Makawa Vakavoutaki 2021)（FRV21）

Na Vakavinavinaka e na Vuku ni Vakabulai nei Isireli A Sere ni cabecabe. A nei Tevita.

1Kevaka a sega beka ni totaki keda ko Jiova—

me qai kaya oqo ko Isireli—

2ke a sega beka ni totaki keda ko Jiova

e na gauna era tucake vakaivalu kina vei keda na tamata,

3ke ra sa qai tilomi keda bulabula,

ni sa waqa mai na nodra cudru vei keda;

4ke sa qai luvuci keda na wai,

ka drodrova na yaloda na uciwai;

5ke sa qai drodrova na yaloda

na wai levu.

6Me vakacaucautaki ko Jiova,

o koya sa sega ni soli keda

me rawai keda na batidra.

7Sa dro bula na yaloda me vaka na manumanu

mai na nodra tudai na daubiri dai;

sa cavuka oti na tudai,

ia eda sa dro bula!

8Na veivuke me noda sa koto e na yaca i Jiova,

o koya ka buli lomalagi kei vuravura.