1A sa vosa vei Mosese ko Jiova, ka kaya,
2Vsoro 11.44,45; 1Pita 1.16“Mo vosa vei ira nai soqosoqo taucoko ni Isireli, ka kaya vei ira: Mo dou savasava, ni'u sa savasava koi au ko Jiova na nomudou Kalou.
3Lako 20.8,12; Vrua 5.12,16Dou doka na tamata yadua na tinana kei na tamana, ka vakatabuya na noqu veisiga ni vakacecegu: Koi au ko Jiova na nomudou Kalou.
4Vsoro 26.1; Lako 20.23; 34.17; Vrua 27.15Dou kakua ni vuki vei ira na kalou lasu, se cakava vei kemudou na kalou e na ka sa vakawaicalataki: Koi au ko Jiova na nomudou Kalou.
5“Ia kevaka dou sa vakacabora eso nai madrali ni veivinakati vei Jiova, dou vakacabora mo dou vinakati kina.
6Me laukana ga e na siga dou sa cabora kina, kei na mataka; ia kevaka sa vo e na kenai katolu ni siga, me vakamai e na bukawaqa.
7Ia kevaka sa kani e dua na tikina e na kenai katolu ni siga, sa vakasisilataki; ena sega ni donu.
8Ia ko koya sa kania ena cudruvi e na nona caka ca, ni sa cakava me ka wale na ka tabu i Jiova; ia na tamata ko ya ena muduki tani mai vei ira na kai nona.
9 Vsoro 27.15; Vrua 24.19-22 “Ia ni dou sa tamusuka na vuata ni nomudou vanua, mo kakua ni tamusuka kece sara na tutu ni nomu veiwere, ka kakua ni tomitomika na ka sa vo e na nomu vuata.
10Ia mo kakua ni tomitomika na nomu veivaini, se tauca na vua-ni-vaini kecega e na nomu veivaini; mo laiva ga me nodra na dravudravua kei na vulagi: Koi au ko Jiova na nomudou Kalou.
11 Lako 20.15,16; Vrua 5.19,20 “Dou kakua ni butako; ia dou kakua ni cakacaka vakailasu, se vosa lasu, e dua vua e dua.
12Lako 20.7; Vrua 5.11; Maciu 5.33Dou kakua talega ni bubului vakailasu e na yacaqu; ia mo kakua ni vosavakacacataka na yaca ni nomu Kalou: Koi au ko Jiova.
13 Vrua 24.14,15 “Mo kakua ni vakasaurarataka na kai nomu, se butakoca. Na kenai voli ni nomu tamata cakacaka, me kakua ni tiko vei iko e na bogi ka siga.
14Vrua 27.18Mo kakua ni rukaki koya sa didivara, se biuta e dua na ka e na mata ni mataboko me tarabe kina, ia mo rerevaki koya ga na nomu Kalou: Koi au ko Jiova.
15 Lako 23.6-8; Vrua 16.19 “Dou kakua ni cakava e dua na ka sa sega ni dodonu ni dou sa ia na veilewai. Mo kakua ni golevi koya sa dravudravua se dokai koya na turaga levu; mo lewa vakadodonu ga vua na kai nomu.
16Mo kakua ni daukakase voli e na kedra maliwa na kai nomu, ka mo kakua ni vorata na nona bula na kai nomu: Koi au ko Jiova.
17 Maciu 18.15 “Mo kakua ni cata na wekamu e lomamu; ia mo vunauca dina ga na kai nomu, ka kakua ni laiva me valavala ca.
18Maciu 5.43; 19.19; 22.39; Mari 12.31; Luke 10.27; Roma 13.9; Kala 5.14; Jeme 2.8Mo kakua ni cudruva, se naki ca me saumi ira na luvedra na kai nomu, mo lomani koya ga na kai nomu me vaka ko sa lomani iko: Koi au ko Jiova.
19 Vrua 22.9-11 “Dou muria na noqu vunau. Me kakua ni kabata na nomu manumanu e na veiyavusa sa duatani, me vakaluvea kina. Mo kakua ni kaburaka vata na sore ni sila kei na sore ni ka tani e na nomu were; mo kakua talega ni sulumaka nai sulu lineni ka vutivutia talega.
20“Ia ko koya sa mocera e dua na yalewa bobula, sa musuki vua e dua me watina, ka sega sara ni voli, se soli na kenai sere, erau na cudruvi. Erau na sega ni vakamatei, ka ni sa bobula ko koya;
21ia me kauta na tagane na nona i soro ni caka cala vei Jiova, ki na katuba ni vale ni veitavaki, io na sipi tagane mei soro ni caka cala.
22Ia ena sorovaki koya na bete, e na sipi tagane sai soro ni caka cala, e na mata i Jiova, e na vuku ni valavala ca sa cakava ko koya, ena qai vosoti e na vuku ni valavala ca sa cakava ko koya.
23“Ia ni dou na yaco ki na vanua ko ya, ka sa tea oti na kau kecega sa laukana na vuana, dou na qai vakatatabutaka na vuana me vaka e dua sa sega ni cili. Me tolu na yabaki me vakatatabutaki vei kemudou; ka me kakua ni laukana.
24Ia e na kenai kava ni yabaki ena tabu na vuana kecega, me vakavinavinakataki kina ko Jiova.
25Ia e na kenai kalima ni yabaki mo dou qai kania na vuana, me dauvuataka kina vei kemudou na kena vuata: Koi au ko Jiova na nomudou Kalou.
26 Vteki 9.4; Vsoro 7.26-27; 17.10-14; Vrua 12.16,23; 15.23; 18.10 “Mo dou kakua ni kania e dua na ka sa tu kina na kena dra. Mo ni kakua talega ni vakaluveniwai se vakatevoro.
27Vsoro 21.5; Vrua 14.1Mo dou kakua ni kotiva na tutu ni ulumudou, se vakacacana na tutu ni kumimudou.
28Mo dou kakua ni tavalaka na yagomudou e na vuku ni mate, se samuqawetaka na yagomudou: Koi au ko Jiova.
29 Vrua 23.17 “Mo kakua ni vakacacana na luvemu yalewa ni ko soli koya me dautagane; de sa gole ki na veibutakoci na vanua, ka sinai kina na vanua e na ca.
30Vsoro 26.2Dou vakabauta na noqu veisiga ni vakacecegu, ka vakarokorokotaka na noqu vale tabu: Koi au ko Jiova.
31 Vrua 18.11; 1Samu 28.3; 2Tui 23.4; Aisea 8.19 “Dou kakua ni golevi ira sa daucurumi, se tarogi ira na dauveinita, mo dou vakadukadukalitaki kina: Koi au ko Jiova na nomudou Kalou.
32“Mo tucake e matadra sa sika na uluna, ka doka na matadra na tamata qase, ka rerevaka na nomudou Kalou: Koi au ko Jiova.
33 Lako 22.21; Vrua 24.17-18; 27.19 “Ia kevaka sa tiko vulagi kei iko e na nomudou vanua e dua na kai tani, mo dou kakua ni vakararawataki koya.
34Na kai tani sa tiko vulagi kei kemudou ena tautauvata vei kemudou kei na dua na kai nomudou, ia mo lomani koya me vaka ko sa lomani iko; ni dou a vulagi mai na vanua ko Ijipita: Koi au ko Jiova na nomudou Kalou.
35 Vrua 25.13-16; Vbale 20.10; Isi 45.10 “Dou kakua ni lewa vakatawadodonu, e nai vakarau ni balavu ni ka, se nai vakarau ni bibi ni ka se nai vakarau ni levu ni ka.
36Me dodonu ga na nomudou i vakarau ni bibi, me dodonu na kena bibi, me dodonu nai vakarau ni ka mamaca, ka dodonu nai vakarau ni ka liviraki: Koi au ko Jiova na nomudou Kalou, ka kauti kemudou tani mai na vanua ko Ijipita.
37Mo dou vakabauta kina na noqu vunau kecega, kei na noqu lewa, ka mo dou cakava: Koi au ko Jiova.”
Who We AreWhat We EelieveWhat We Do
2025 by iamachristian.org,Inc All rights reserved.
