Same 81 - Ai Vola Tabu (Vakadewa Makawa Vakavoutaki 2021)（FRV21）

Na Vakamamasu ni Kalou vei Isireli Vua nai liuliu ni sere: me vaka na Kitica. A nei Esava.

1Dou sere vakadomoilevu vua na Kalou na noda kaukauwa;

dou reki vakadomoilevu vua na Kalou i Jekope.

2Lagata na same, ka kauta mai na tibereli,

kei na api domo vinaka kei na soliteri.

3

8Dou vakarorogo, na noqu tamata, ka'u na tukutuku vei kemudou;

I Isireli, kevaka ko na vakarorogo vei au!

9 Lako 20.2,3; Vrua 5.6,7 Ena sega na kalou tani me tiko kei iko;

ia mo kakua ni cuva ki na kalou ni kai tani.

10Oi au ko Jiova na nomu Kalou,

ka kauti iko tani mai na vanua ko Ijipita.

Mo dalaga vakalevu, ia ka'u na vakamamautaki iko.

11“Ia na noqu tamata, era sa sega ni via rogoca na domoqu;

ka sa sega ni vinakati au ko ira na Isireli.

12Ia ka'u a biuti ira me ra muria na nodra yalokaukauwa,

ka ra sa muria na nodra lewa.

13Ke ra sa vakarorogo mada vei au ko ira na noqu tamata,

ka muria ga na noqu sala ko ira na Isireli!

14Ka'u a qai vakamalumalumutaki ira vakusakusa na nodra meca,

ka vakalesuya na ligaqu me'u veivala kei ira era sa vakararawataki ira.

15O ira sa cati Jiova, era a qai soro vua,

ia na nodra gauna na noqu tamata, sa na qai sega ni oti rawa.

16Ia sa na qai vakani ira ko koya e na witi vinaka sara,

ka vakamamautaki iko e na oni mai na uluvatu.”