1 Lako 13.21-22; 14.22-29 Ia ka'u sa sega ni vinakata, oi kemudou na veiwekani, mo dou lecava ni ra a tu e ruku ni o ko ira kecega na noda qase, a ra sa lako kecega e loma ni waitui,
2a ra sa papitaisotaki kecega vei Mosese e na o kei na waitui,
3Lako 16.35ka ra sa kania vata kecega na kakana vakayalo,
4Lako 17.6; Tiko 20.11ka ra sa gunuva vata kecega na wai ni gunu vakayalo. Ni ra sa gunu mai na Vatu vakayalo sa muri ira, ia na Vatu ko ya na Karisito.
5Tiko 14.29,30Ia sa lewe vuqa vei ira sa sega ni vinakati ira na Kalou, ni ra sa duibiubiu e loma ni vanua lala.
6 Tiko 11.4 Ia na veika oqo sai dusidusi vei keda, me da kakua kina ni daugadreva na veika ca, me vaka na nodra daugadreva.
7Lako 32.6Dou kakua talega ni qarava na matakau, me vakataki ira eso; me vaka sa volai, “Era sa tiko sobu na tamata me ra kana ka gunu, a ra sa qai tucake tale me ra qito.”
8Tiko 25.1-18Me da kakua talega ni ia na veidauci, me vaka era sa kitaka eso vei ira, ka sa bale kina e na siga e dua bau e lewe ruasagavulu-ka-tolu na udolu.
9Tiko 21.5,6Me da kakua talega ni dauvakatovolei Karisito, me vaka era sa dauvakatovolea eso, a sa kati ira mate na gata.
10Tiko 16.41-49Dou kakua talega ni daudidi, me vaka era sa didi eso a ra sa vakarusai e na dauveivakarusai.
11Ia na ka kecega oqo sa yaco vei ira mei dusidusi, a ra sa volai me da vakatavulici kina, oi keda sa yacovi keda nai vakataotioti ni veigauna.
12O koya me qai vakaraici koya ko koya sa nanuma sa tudei, de bale ga mai.
13Sa sega na vere tani sa yaco vei kemudou, o koya ga sa dausotava na tamata. Ia sa yalodina na Kalou, o koya ena sega ni laivi kemudou mo dou dauveretaki vakalevu cake ka me sivia na nomudou kaukauwa, ia e na cakava talega kei na vere na sala mo dou dro kina, mo dou vosota rawa.
14O koya oqo, koi kemudou sa lomani, mo dou dro tani mai na qarava na matakau.
15Au sa vosa me vaka vei ira na tamata vuku; dou lewa na ka ka'u sa kaya.
16Maciu 26.26-28; Mari 14.22-24; Luke 22.19,20A bilo ni vakavinavinaka keitou sa vatonaka, sa sega li ni ka sa noda vata kina na dra i Karisito? Ai buli madrai eda sa dovia, sa sega li ni ka sa noda vata kina na yago i Karisito?
17Ni sa dua bauga na madrai, sa qai yagona e dua bauga koi keda e lewe vuqa, ni sa noda nai votavota ni madrai ko ya e dua bauga.
18Vsoro 7.6Dou raici ira na Isireli; sa sega li ni ko ira era sa kania na veimadrali sa vakaivotavota vata kei nai cabocabo-ni-soro?
19A cava na ka ka'u sa kaya oqo? Ni sa dua li na ka dina na matakau, se na ka dina na ka sa vakacabori ki na matakau?
20Vrua 32.17E segai, ia na veika era sa vakacabora ko ira era sa sega ni lotu, era sa vakacabora vei ira na tevoro, ka sa sega ga vua na Kalou. Ia ka'u sa sega ni vinakata mo dou votai vata kei ira na tevoro.
21Dou sa sega ni rawa ni gunuva na bilo ni Turaga kei na nodra bilo talega na tevoro. Dou sa sega ni rawa ni kana mai na tepeli ni Turaga kei na nodra tepeli talega na tevoro.
22Vrua 32.21Se eda sa vakacudruya ga na Turaga me vuvu, ne? Eda sa uasivi beka mai vua e na kaukauwa?
Kitaka na Ka Kecega me Vakarokorokotaki kina na Kalou23 1Kori 6.12 “Sa tara vakalawa vei au na ka kecega,” ia na ka kecega sa sega ni yaga taucoko. “Sa tara vakalawa na ka kecega,” ia sa sega ni tara cake na noda bula na ka kecega.
24Me kakua e dua me qara na ka sa yaga duaduaga vei koya, a ka talega sa yaga vua na kai nona.
25A ka kecega sa volitaki e na rara ni veivoli mo dou kania, ka kua ni taroga e dua na ka e na vuku ni lewa-e-loma,
26Same 24.1ni “sa nona na Turaga ko vuravura kei na ka kecega sa sinai kina.”
27Kevaka e dua sa sega ni lotu sa sureti kemudou, ka dou sa vinakata me lako, dou kania ga na ka kecega sa tauci e matamudou, ka kua ni taroga e na vuku ni lewa-e-loma.
28Ia kevaka e dua sa kaya vei kemudou, “Oqo sa vakacabori ki na veimatakau,” dou kakua ni kania, e na vuku i koya sa tukuna, e na vuku ni lewa-e-loma—
29ka'u sa cavuta na lewa-e-loma oqo ka sega ni nomu, a nona ga na tani. Ka cava na vuna me lewai kina na noqu galala mai na nona lewa-e-loma e dua tale?
30Ia kevaka ka'u sa kana ka vakavinavinaka kina, me'u sa vosavakacacataki e na vuku ni cava e na ka ka'u sa vakavinavinaka oti kina?
31O koya ga, se dou kana, se dou gunu, se cava na ka dou sa kitaka, mo dou kitaka kecega me vakarokorokotaki kina na Kalou.
32Dou kakua ni vakacala e dua, vei ira na Jiu, se vei ira na lewe ni veimatanitu tani, se vei ira nai soqosoqo lotu ni Kalou,
33me vaka ka'u sa kitaka na ka kecega me vinakata ko ira na tamata kecega, ia ka'u sa sega ni qara na ka sa yaga duaduaga vei au, na ka talega sa yaga vei ira na lewe vuqa, me ra vakabulai kina.
Who We AreWhat We EelieveWhat We Do
2025 by iamachristian.org,Inc All rights reserved.
