Esiteri 10 - Ai Vola Tabu (Vakadewa Makawa Vakavoutaki 2021)（FRV21）

Tukutuku Cecere me Baleti Motekai

1A sa lesia ko Asuerosi na tui nai vakacavacava ki na vanua, kei na veiyanuyanu ni wasawasa.

2Ia na cakacaka kecega ni nona kaukauwa kei na nona qaqa, kei nai tukutuku ni nona yaco ko Motekai, sa vakalevulevui koya kina ko koya na tui, sa sega li ni volai e nai vola ni veika sa caka e na nodra gauna na tui Mitia kei Perisia?

3Ni sai karua kei Asuerosi ko Motekai na Jiu, a sa dokai vei ira na Jiu, a sa vinakati koya ko ira na wekana era sa lewe vuqa, a sa segata tiko ko koya na ka me ra vinaka kina na kai nona, ka dautauca na vosa ni veivakacegui vei ira kecega na nona kawa.