1“Ia oqo, mo ni vakarorogo mada, na Isireli, ki nai lesilesi kei na lewa ka'u sa vakavulica vei kemuni, mo ni cakava, mo ni bula kina, ka lako mo ni taukena na vanua sa solia vei kemuni ko Jiova na Kalou ni nomuni qase.
2Vtaki 22.18,19Mo ni kakua ni kuria na vosa ka'u sa vakarota vei kemuni, mo ni kakua talega ni vakalailaitaka, mo ni vakabauta kina nai vakaro i Jiova na nomuni Kalou, ka'u sa vakarota vei kemuni.
3Tiko 25.1-9Sa raica ga na matamuni na ka sa cakava ko Jiova e na vuku i Peali-piori, ni sa vakarusai ira kecega na tamata era muri Peali-piori mai na kemuni maliwa ko Jiova na nomuni Kalou.
4Ia koi kemuni ka kabiti Jiova na nomuni Kalou ko ni sa bula vakaaduaga e na siga oqo.
5Raica, ka'u sa vakavulica vei kemuni eso nai lesilesi kei na lewa, me vaka ka vakarota vei au ko Jiova na noqu Kalou, mo ni kitaka vakakina e na vanua ko ni sa la'ki taukena.
6Ia mo ni vakabauta ka muria; ko ni na vuku kina ka yalomatua kina e matadra na veimatanitu, era na rogoca nai lesilesi kecega oqo, a ra na kaya, ‘E dina era sa tamata vuku ka yalomatua na matanitu levu oqo.’
7Ia ko cei na matanitu levu, sa dua na nodra kalou sa tiko voleka vei ira, me vakataki Jiova na noda Kalou e na ka kecega eda sa masuti koya kina?
8Ia ko cei na matanitu levu, sa dodonu na kenai lesilesi kei na kena lewa, e tautauvata kei na vunau kecega oqo, ka'u sa tauca vei kemuni edaidai?
9“Ia mo ni qarauni kemuni ga, ka vakatawa vinaka na yalomuni, de ko ni guilecava na ka sa raica na matamuni, ka sa lako tani e na yalomuni e na veisiga kecega ko ni sa bula kina. Ia mo ni vakavulica ga vei ira na luvemuni, kei ira na makubumuni—
10io na siga ko a tu kina e na mata i Jiova na nomuni Kalou mai Orepi, ni sa kaya vei au ko Jiova, ‘Mo soqoni ira vata na tamata vei au, me'u vakarogoya vei ira na noqu vosa, me ra vuli kina me ra rerevaki au e na veisiga kecega era na bula kina e dela i vuravura, me ra vakavulica talega vei ira na luvedra.’
11Lako 19.16-18; Ipe 12.18,19Ia ko ni a toro mai, ka tu e ruku ni ulunivanua; a sa waqa tu e na buka ki na lomalagi na ulunivanua, e na butobuto, e na o, kei na butobuto loaloa.
12A sa vosa vei kemuni ko Jiova mai na loma ni bukawaqa. Ko ni a rogoca na domo ni vosa, ia ko ni sa sega ni raica e dua nai vakatakarakara; na domo walega.
13Lako 31.18; 34.28; Vrua 9.10Ia sa cavuta vei kemuni ko koya na nona veiyalayalati, o koya sa vakarota vei kemuni mo ni cakava, io na vunau e tini; a sa vola ko koya e na vatu raraba e rua.
14Lako 21.1Sa vakaroti au talega ko Jiova e na gauna ko ya me'u vakavulica vei kemuni eso nai lesilesi kei na lewa, mo ni cakava e na vanua ko ni sa lako yani kina mo ni taukena.
Qarauni me Kua na Qaravi Kalou Tani15“O koya mo ni qarauni kemuni vinaka kina; ko ni a sega ni raica e dua nai vakatakarakara e na siga ka vosa kina vei kemuni ko Jiova mai Orepi mai na loma ni bukawaqa,
16Lako 20.4; Vsoro 26.1; Vrua 5.8; 27.15de ko ni sa vakadukadukalitaki kemuni, ka cakava vei kemuni e dua na matakau ceuceu, nai vakatakarakara ni dua na kalou— nai vakatakarakara ni tagane se yalewa,
17Roma 1.23nai vakatakarakara ni dua na manumanu e dela i vuravura, nai vakatakarakara ni manumanu vakatabana sa vuka voli e cake,
18nai vakatakarakara ni dua na ka sa yaqa e dela ni vanua, nai vakatakarakara ni dua na ika e na wai mai na yasa ni vanua.
19Ia ni ko ni sa ta cake ki lomalagi ka raica na mata-ni-siga, kei na mata-ni-vula, kei na veikalokalo, kei nai vavakoso kecega mai lomalagi, mo ni kakua ni qai vagolei tani mo ni soro kina, ka qarava na veika oqori sa solia ko Jiova na nomuni Kalou ki na veimatanitu kecega e ruku ni lomalagi taucoko.
20Lako 19.5; Vrua 7.6; 14.2; 26.18; Taito 2.14; 1Pita 2.9Ia sa tauri kemuni ko Jiova, ka kauti kemuni tani mai loma ni lovo kaukamea, io mai Ijipita, mo ni matanitu me taukena ko koya, me vaka e na siga oqo.
21Tiko 20.12A sa cudru vei au ko Jiova e na vukumuni, ka sa bubului, me'u kakua ni qalo kosova na Joritani, ia me'u kakua ni butuka na vanua vinaka ko ya, sa solia vei kemuni ko Jiova na nomuni Kalou mo ni taukena.
22Ia ka'u na mate ga e na vanua oqo, au na sega ni qalo kosova na Joritani. Ia ko ni na qalo kosova ka taukena na vanua vinaka oqori.
23Mo ni qarauni kemuni, de ko ni sa guilecava na veiyalayalati i Jiova na nomuni Kalou sa kitaka ko koya kei kemuni, ka ko ni na cakava vei kemuni e dua na matakau ceuceu, nai vakatakarakara ni dua na ka sa vakatabuya vei kemuni ko Jiova na nomuni Kalou.
24Ipe 12.29Ni sa bukawaqa katakata ko Jiova na nomuni Kalou, io sa Kalou vuvu.
25“Ni sa sucu vei kemuni eso na gone, kei na luvedra na luvemuni, ka ko ni sa tiko vakadede e na vanua, a sa vakadukadukalitaki kemuni, ka sa cakava vei kemuni e dua na matakau ceuceu nai vakatakarakara ni dua na ka, ka sa caka ca e na mata i Jiova na nomuni Kalou, me vakacudrui koya,
26au sa kacivi lomalagi kei vuravura edaidai me kila e na vukumuni, ni ko ni na kawayali vakusakusa mai na vanua ko ni sa qalo kosova na Joritani mo ni taukena. Ena sega ni balavu kina na nomuni bula, ia ko ni na kawayali vakaidina ga.
27Vrua 28.36Ena vakasevi kemuni voli ko Jiova ki na veimatanitu, ia ko ni na le vica walega e vo e na kedra maliwa na veimatanitu sa kauti kemuni yani kina ko Jiova.
28Ia ko ni na qarava mai kea na kalou eso, na cakacaka ni liga ni tamata, na kau kei na vatu, era sega ni rai, se rogo, se kana, se boiboi rawa.
29Jere 29.13Ia kevaka ko ni sa qarai Jiova na nomuni Kalou mai kina, ko ni na kunea, kevaka ko ni sa qarai koya e na lomamuni taucoko kei na yalomuni taucoko.
30Ni ko ni sa rarawa, ka sa yacovi kemuni na ka kecega oqo, e na siga mai muri, kevaka ko ni sa lesu mai vei Jiova na nomuni Kalou, ka sa talairawarawa ki na domona;
31(ni sa Kalou yalololoma ko Jiova na nomuni Kalou;) ena sega ni weletaki kemuni, se vakarusai kemuni, se guilecava na veiyalayalati kei ira na nomuni qase sa bubului kina vei ira ko koya.
Sa Kalou Duaduaga ko Jiova32“Ia mo ni taroga mada na gauna sa oti, ka liu vei kemuni, mai na gauna ka bulia kina na tamata e vuravura na Kalou, ia mai na vu ni lomalagi e dua ka yacova na vu ni lomalagi kadua, se sa caka e dua na ka me tautauvata kei na ka levu oqo, se sa rogoci me vakakina?
33Sa dua li na matanitu sa rogoca na domo ni Kalou ni sa vosa mai loma ni bukawaqa, me vaka ko ni sa rogoca, ka sa bula tiko?
34Se sa vakatovolea eliu na Kalou me la'ki kauta vua e dua na matanitu mai na kedra maliwa na matanitu tani, e na veivakatovolei, e na veivakatakilakila, kei na veika-mana, kei nai valu, kei na liga kaukauwa, kei na liga sa dodo yani, kei na ka rerevaki vakaidina, me vaka na ka kecega sa cakava ko Jiova na nomuni Kalou e na vukumuni mai Ijipita?
35Mari 12.32Sa vakatakilai vei kemuni, mo ni kila kina ni sa Kalou ko Jiova; ka sega tale e dua, ko koya ga.
36Sa rogo mai vei kemuni na domona mai lomalagi, me vakavulici kemuni kina ko koya. A sa vakaraitaka vei kemuni ko koya e vuravura na nona bukawaqa levu; ia ko ni a rogoca na nona vosa mai loma ni bukawaqa.
37Ia ni sa lomani ira na nomuni qase ko koya, sa digitaka kina na nodra kawa, ka kauti kemuni tani mai Ijipita e matana, e nona kaukauwa levu;
38ka me vakaseva tani e matamuni eso na matanitu sa levu ka kaukauwa, ka malumalumu koi kemuni, me kauti kemuni kina, ka me solia vei kemuni na nodra vanua mo ni taukena, me vaka e na siga edaidai.
39Mo ni kila mada e na siga oqo, ka vakanananu kina e lomamuni ni sa Kalou ko Jiova mai lomalagi e cake, kei vuravura e ra; sa sega tale e dua.
40Ia mo ni vakabauta mada na nona i lesilesi, kei na nona i vakaro, ka'u sa vakarota vei kemuni e na siga oqo, me yaco kina vei kemuni na ka vinaka, vei ira talega na luvemuni, ka me dede kina na nomuni bula e na vanua, sa solia vei kemuni ko Jiova na nomuni Kalou, me sega ni mudu.”
Veikoro ni Dro e na Tokalau ni Joritani41 Josua 20.8,9 Sa qai wasea tani ko Mosese e tolu na koro e na tai ni Joritani oqo, vaka ki nai cadracadra ni mata-ni-siga;
42ka me dro kina ko koya sa vakamatea na kai nona ni sa sega ni nakita, ka sa sega ni cati koya eliu; ka me bula kina ni sa dro ki na dua na koro oqori:
43ko Peseri mai na vanua lala mai na vanua bucabuca ka nodra na Rupeni, kei Remoci mai Kiliati ka nodra na Kata, kei Kolani mai Pasani ka nodra na Manasa.
Solia ko Mosese na Vunau ni Kalou44Ia oqo na vunau sa solia ko Mosese vei ira na Isireli.
45Oqo nai vakaro, kei nai lesilesi, kei na lewa, sa vosataka ko Mosese vei ira na Isireli, ni ra sa lako tani mai Ijipita,
46e na tai mai oqo ni Joritani, e na vanua veibuca sa donui Peci-piori, e na vanua i Sioni na nodra tui na Amoraiti, ko koya ka tiko mai Esiponi, ko koya ka mokuta ko Mosese kei ira na Isireli, ni ra sa lako tani mai Ijipita.
47A ra sa taukena na nona vanua, kei na vanua nei Oki na tui Pasani, na tui ruarua vei ira na Amoraiti, e na tai ni Joritani oqo, vaka ki nai cadracadra ni mata-ni-siga;
48mai Aroeri, ko ya mai na bati ni uciwai ko Arinoni, ka yaco ki na Ulunivanua ko Saioni, ko ya ko Erimoni,
49kei na vanua veibuca kecega e na bati ni Joritani oqo vaka ki na tokalau, ka yacova na wasawasa mai na vanua veibuca, mai na veimataniwai mai Pisika.
Who We AreWhat We EelieveWhat We Do
2025 by iamachristian.org,Inc All rights reserved.
