Efeso Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Vola i Paula vei Ira mai Efeso e goleva taumada nai naki ni Kalou...me soqona vata na ka kecega vei Karisito, na veika mai lomalagi, kei na veika e vuravura (1.10). Sa dua talega na kerekere vei ira na tamata ni Kalou, me ra bulataka nai balebale ni i naki cecere oqo ena vuku ni kena vakaduavatataki na tamata kecega ni ra sa duavata kei Jisu Karisito.Ena i matai ni wasewase ni vola oqo, sa goleva kina ko koya e volavola tiko na ulutaga ni Duavata ena nona tukuna na sala e vakayagataka na Kalou me digia kina na nona tamata, na sala era a vosoti ka vagalalataki kina mai na nodra i valavala ca ena vuku i Jisu Karisito na Luvena, kei na vakadeitaki ni vosa ni yalayala ni Kalou ena vuku ni Yalo Tabu. Ena i karua ni wasewase ni vola, a sa vakamasuti ira kina era sa wilika nai vola oqo me ra bulataka nai tovo ni bula sa vakadinadinataki kina na dina ni nodra sa semati vei Karisito ni ra sa bula vata voli e veisiga.E vica na vosa vakaiyaloyalo e vakayagataki me vakaraitaka na nodra sa duavata na tamata ni Kalou ena nodra tu vata kei Karisito: nai soqosoqo lotu sa vaka e dua na yago, ka sa uluna na Karisito; se vaka e dua na vale ka sa kenai vakadei ena tutu ni vale na Karisito; se vaka e dua na yalewa vakawati ka watina tagane na Karisito. E tubu cake sara nai tovo ni vosa vakaiyaloyalo ena i vola oqo; ni sa vakayavalati ko koya e vola ena vakasama ni loloma ni Kalou ena vuku i Karisito. Na ka kece e laurai ena rarama ni loloma, i soro, veivosoti, loloma kei na savasava i Karisito.Na Lewe ni VolaNai vakamacala taumada 1.1-2

Ko Karisito kei na Lotu 1.3—3.21

Na bula vou ena vuku i Karisito 4.1—6.20

Nai tinitini 6.21-24