1E na kenai katinikavitu ni yabaki i Peka na luve i Rimalaia, sa tekivu me lewa ko Easi na luve i Jocame na tui Juta.
2Sa ruasagavulu na yabaki i Easi ni sa tekivu me lewa, a sa lewa tiko mai Jerusalemi ka yabaki tinikaono. A sa sega ni daucaka dodonu e na mata i Jiova na nona Kalou, me vakataki Tevita na nona qase.
3Vrua 12.31A sa muria ga na nodra i valavala na tui Isireli; ia sa vakacabora na luvena e loma ni bukawaqa, me vaka na ka vakasisila ni veimatanitu ka vakaseva ko Jiova e matadra na Isireli.
4A sa vakacaboisoro ko koya, ka vakama na ka boi vinaka, e na veitikina cecere, kei na veiulu-ni-koro, kei na ruku ni kau bulabula kecega.
5 Aisea 7.1 Sa qai lako cake ko Risini na tui Siria, kei na tui Isireli, ko Peka na luve i Rimalaia, me rau kabai Jerusalemi; a ra sa buku druadrua vei Easi, ka ra sa sega ga ni rawai koya.
6E na gauna ko ya sa rawai Elaci tale me nei Siria ko Risini na tui Siria, a sa vakasevi ira yani na Juta mai Elaci; a ra sa lako ki Elaci na kai Siria, ka tiko kina, ka yacova na siga oqo.
7A sa vakatadu mata ko Easi kivei Tikilaci-pileseri na tui Asiria, ka kaya, “Koi au na nomu tamata, ka luvemu. Mo lako cake mai, ka vakabulai au mai na liga i tui Siria, kei na liga i tui Isireli, erau sa noqu meca.”
8A sa taura ko Easi na siliva kei na koula sa kune e na vale i Jiova, kei nai yau mai na vale-ni-tui, ka vakauta me ka-ni-loloma vua na tui Asiria.
9A sa vakarorogo vua ko tui Asiria. A sa lako cake ki Tamasiko ko tui Asiria, ka kaba, ka kauti ira vakabobula na lewena ki Kiri, ka vakamatei Risini.
10A sa lako ki Tamasiko ko Easi na tui me tavaki Tikilaci-pileseri na tui Asiria, a sa raica nai cabocabo-ni-soro mai Tamasiko. A sa vakauta ko Easi na tui kivei Uraia na bete na kenai cakacaka ni cabocabo-ni-soro kei na kenai vakatakarakara, me vaka na kenai cakacaka kecega.
11A sa cakava ko Uraia na bete nai cabocabo-ni-soro me vaka na ka kecega ka talaki kina mai Tamasiko ko Easi na tui; sa cakava oti vakakina ko Uraia na bete, ni se bera na nona tale mai Tamasiko ko Easi na tui.
12Ia ni sa lesu mai Tamasiko na tui, sa qai kunea nai cabocabo-ni-soro. A sa toro ki nai cabocabo-ni-soro na tui, ka vakacaboisoro kina.
13A sa vakama na nona i soro kama, kei na nona i madrali laukana; ka livia na nona i madrali liviraki, ka kureitaka na dra ni nona i soro ni veivinakati, e nai cabocabo-ni-soro.
14Lako 27.1,2; 2Vei 4.1Ia nai cabocabo-ni-soro parasa ka tu e na mata i Jiova, sa kauta ko koya mai na mata ni vale, mai na tadrua ni cabocabo-ni-soro kei na vale i Jiova, ka tauca ki na yasa ni cabocabo-ni-soro, vaka ki na tokalau.
15A sa vakaroti Uraia na bete ko Easi na tui, ka kaya, “Mo vakama e nai cabocabo-ni-soro levu nai soro kama ni mataka, kei nai madrali laukana, ni yakavi, kei na nona i soro kama na tui, kei na nona i madrali laukana, kei na nodra i soro kama kecega na lewe-ni-vanua, kei na nodra i madrali laukana, kei na nodra i madrali liviraki; ka kureitaka ki delana na dra kecega ni soro kama, kei na dra ni soro kecega; ia nai cabocabo-ni-soro parasa au na dauvakatarotaro kina.”
16A sa kitaka ko Uraia na bete, me vaka na ka kecega ka vakarota ko Easi na tui.
171Tui 7.23-39; 2Vei 4.2-6A sa taya laivi na batina mai na kenai tutu ko Easi na tui, ka laveta tani na taqe mai na deladratou, ka tauca sobu na taqe levu mai na deladratou na bulumakau parasa sa tu e rukuna, ka tauca ki na dua na rara vatu.
18Ia nai vakaruru ni Siga ni Vakacecegu ka ra tara mai na vale, kei nai curucuru ni tui e tautuba, sa vukica ko koya mai na vale i Jiova e na vuku i tui Asiria.
19Ia na kena vo ni cakacaka i Easi sa cakava ko koya, sa sega li ni volai e nai Vola ni Veika sa Caka e na Nodra Gauna na Tui Juta?
20Aisea 14.28A sa moce vata kei ira na nona qase ko Easi, a sa bulu vata kei ira na nona qase e na koro i Tevita; a sa tui ko Esekaia na luvena, me kenai sosomi.
Who We AreWhat We EelieveWhat We Do
2025 by iamachristian.org,Inc All rights reserved.
