Emosi 2 - Ai Vola Tabu (Vakadewa Makawa Vakavoutaki 2021)（FRV21）

A Nodra Ca kei na Nodra Cudruvi na Moapi

1 Aisea 15.1—16.14; 25.10-12; Jere 48.1-47; Isi 25.8-11; Sefa 2.8-11 Sa kaya vakaoqo ko Jiova:

“Ni sa qai vakatolu na talaidredre i Moapi,

io, ni sa vakava, ka'u na sega kina ni vakadaroya na kena cudruvi;

ka ni sa vakama ko koya

na sui i tui Itomi me lase.

2Ia ka'u na biuta na bukawaqa ki Moapi,

ka na vakama na veivale vakaturaga mai Kirioci,

ia ena mate e na ue ko Moapi,

e na kaila kei na rorogo ni davui;

3ia ka'u na muduka tani mai kina na turaganilewa,

ia ka'u na vakamatei ira vata kaya na kena turaga kece,”

sa kaya ko Jiova.

Na Cudruvi i Juta

4Sa kaya vakaoqo ko Jiova:

“Ni sa qai vakatolu na nodra talaidredre na Juta,

io, ni sa vakava, ka'u na sega kina ni vakadaroya na nodra cudruvi;

ka ni ra sa beca na vunau i Jiova,

ka sega ni vakabauta na nona i lesilesi,

ka sa vakacalai ira na nodra ka lasu,

o koya era muria ko ira na nodra qase.

5Ia ka'u na biuta na bukawaqa vei ira na Juta,

ka na vakama na veivale vakaturaga mai Jerusalemi.”

Na Cudruvi i Isireli

6Sa kaya vakaoqo ko Jiova:

“Ni sa qai vakatolu na nodra talaidredre na Isireli,

io, ni sa vakava, ka'u na sega kina ni vakadaroya na nodra cudruvi;

ka ni ra sa volitaka na tamata yalododonu me kenai voli ni siliva,

kei na dravudravua me kenai voli e rua nai vava—

7era sa tagica na kuvu-ni-qele e na uludra na dravudravua,

ka ra sa vakasesei ira tani na yalomalumalumu mai na sala;

na veitamani talega erau sa curu ruarua vua e dua bau na goneyalewa,

ka sa vakacacani kina na yacaqu tabu;

8era sa la'ki davo talega e nai tutuvi sai vakadinadina

ni ka sa kerei ka voleka ki nai cabocabo-ni-soro kecega;

ia na waini ni tamata era sa totogi

era sa gunuva e na vale ni nodra kalou.

9 Vrua 3.8-11 “Ia koi au ga, ka'u a vakarusai koya na Amoraiti e matadra,

o koya sa balavu vaka na balavu ni sitari,

ka kaukauwa ko koya me vaka na oki;

ia ka'u a vakarusa na vuana e cake,

kei na wakana e ra.

10Koi au talega, ka'u a kauti kemudou cake mai na vanua ko Ijipita,

ka tuberi kemudou e loma ni vanua lala ka yabaki vasagavulu,

mo dou taukena na nodra vanua na Amoraiti.

11 Tiko 6.1-8 Au a vakatubura talega na luvemudou eso me ra parofita,

ka so na nomudou cauravou me ra tawase me nona na Kalou.

Sa sega li ni vakakina, oi kemudou na Isireli?”

sa kaya ko Jiova.

12“Ia dou a vagunuvi ira e na waini era tawase me nona na Kalou,

ka vakaroti ira na parofita,

ka vaka, ‘Dou kakua ni parofisai.’

13“Raica, koi au ka'u na bikai kemudou e na nomudou vanua

me vaka sa bika e dua na qiqi-ni-yaya sa tawa sara e nai vau sila.

14O koya oqo ena sega ni rawa nai drodro vua sa dautotolo,

o koya talega sa kaukauwa ena sega ni gumatua e na nona kaukauwa,

se vakabulai koya rawa ko koya sa qaqa;

15ena sega talega ni tu rawa ko koya sa dautara dakai,

kei koya sa yava totolo ena sega ni vakabulai koya rawa,

ko koya talega sa vodo ose ena sega ni vakabulai koya rawa;

16ia ko koya talega sa yalodoudou vei ira na qaqa

ena dro ka luvawale tu e na siga ko ya,”

sa kaya ko Jiova.