1“Kevaka sa butakoca na bulumakau se na sipi e dua na tamata, ka vakamatea, se volitaka; ena sauma ko koya na bulumakau e dua e na bulumakau e lima, se na sipi e dua e na sipi e va.
2“Kevaka sa kune na butako ni sa basuka tiko na vale ka sa moku mate, ena sega ni tarogi na mate,
3ia kevaka sa cadra vua na mata-ni-siga, ena qai tarogi na nona mate. Me sauma sara ko koya. Kevaka sa sega na ka e taukena, me qai volitaki ko koya mei sau ni ka sa butakoca.
4Kevaka sa kune bula vua na ka sa butakoca, ke mani bulumakau se asa se sipi, ia me qai vakaruataki na kena saumi.
5“Kevaka e dua na tamata sa vuna na kena laukana e dua na were se veivaini, ni sa kauta kina na nona manumanu, a sa kani na nona were na tamata tani; ena sauma ga e na ka vinaka sara mai nona were, se nona veivaini vinaka sara.
6“Kevaka sa waqa loa mai e dua na buka, a sa katia na veico, a sa kama kina nai binibini sila, se na sila sa tu, se na veiwere; ena sauma vakaidina ko koya sa vakawaqa na buka.
7“Kevaka e dua na tamata sa solia vua na kai nona nai lavo se nai yaya me maroroya, a sa butakoci mai na vale ni tamata ko ya; kevaka sa kune na butako, me qai sauma vakarua ko koya.
8Kevaka sa sega ni kune na butako, me qai kau nai taukei ni vale ko ya vei ira na mataveilewai, me bubului ni sa sega ni tara ko koya e dua na nona i yau na kai nona.
9E nai valavala vakabutako kecega, se na bulumakau, se na asa, se na sipi, se nai sulu, se dua na ka sa yali, sa kaya e dua sa nona, na ka sa veiletitaki vei rau ena kau vei ira na mataveilewai; ko koya era sa vakacala na mataveilewai, ena sauma vakarua vua na kai nona.
10“Kevaka sa dua na tamata sa solia vua na kai nona e dua na asa, se na bulumakau, se na sipi, se dua na manumanu, me vakaraica; a sa mate, se mavoa, se vakasavi tani, ka sega na tamata sa raica;
11me qai bubului e na matai Jiova, ni sa sega ni tara ko koya e dua na nona i yau na kai nona; me qai vakadonuya ga na kenai taukei, ia ena qai sega ni sauma ko koya.
12Ia kevaka sa butakoci vua, me qai sauma ko koya vua na kenai taukei.
13Kevaka sa dresulaki, me qai kauta ga mai me kilai; ena sega ni sauma ko koya na ka sa dresulaki.
14“Kevaka sa dua na tamata sa kerea na nona ka na kai nona, a sa mavoa, se mate, ni sa sega ni tiko kaya na kenai taukei, ena qai sauma vakaidina ko koya.
15Kevaka sa tiko kaya na kenai taukei, ena qai sega ni sauma ko koya. Kevaka sa ka e kerei mai, sa saumi ga na kenai kere.
Nai Vakaro me Baleta na Lotu kei nai Tovo16 Vrua 22.28,29 “Kevaka sa dua na tamata sa temaka e dua na goneyalewa tabu-tagane ka se sega ni musuki, ka sa veiyacovi kaya, me qai solia vua ko koya nai sau-ni-vakawati ka sasagataka me watina.
17Ia kevaka sa bese ni soli koya vua ko tamana, me qai solia ko koya nai yau e tautauvata kei nai sau-ni-vakawati e dausoli vei ira na goneyalewa tabu-tagane.
18 Vrua 18.10,11 “Dou kakua ni vakabula e dua na yalewa sa daucakaisausau.
19 Vsoro 18.23; 20.15,16; Vrua 27.21 “Ko koya sa koto vata kei na manumanu e yavai va ena vakamatei vakaidina.
20 Vrua 17.2-7 “Ko koya sa vakacabora nai soro vua na kalou tani, ka sega vei Jiova duaduaga, ena vakarusai sara.
21 Lako 23.9; Vsoro 19.33,34; Vrua 24.17,18; 27.19 “Dou kakua ni vakararawataka e dua na vulagi se vakasaurarataka, ni dou a vulagi mai na vanua ko Ijipita.
22Dou kakua ni vakararawataka e dua na yada se dua sa sega ni vakatamani.
23Kevaka dou sa vakararawataka vakalailai, a ra sa tagi vakalailai ga vei au, ka'u na rogoca vakaidina na nodra tagi;
24ia ena waqa mai na noqu cudru, ka'u na qai vakamatei kemudou e nai seleiwau, ka ra na yada na watimudou, ka na sega ni vakatamani na luvemudou.
25 Vsoro 25.35-38; Vrua 15.7-11; 23.19,20 “Kevaka dou sa solia me talevaki nai lavo vua e dua na noqu tamata sa dravudravua ka tiko kei iko, mo kakua ni vaka e dua sa via volivoli vua; dou kakua ni taroga vua na kenai kere.
26Vrua 24.10-13Kevaka dou sa taura na nona i sulu na kai nomu me kenai vakadinadina, dou vakasuka vua ni sa la'ki dromu na mata-ni-siga;
27ni sa nona i tutuvi ga oqori, nai tutuvi ni yagona; a cava na ka me moce kina? Ia ni sa tagi vei au ko koya, ka'u na rogoca; ni'u sa yalololoma.
28 Caka 23.5 “Dou kakua ni vosavakacacataki ira na mataveilewai, se rukaki koya sa turaga vei ira na kai nomudou.
29“Dou kakua ni berabera ni cabora nai sevu ni nomu vuata, kei na nomu waini kei na waiwai. Mo dou solia vei au na ulumatua ni luvemudou tagane.
30Dou kitaka vakakina kei na nomu bulumakau, kei na nomu sipi: sa bogi vitu ena tiko kei tinana; e na kenai kawalu ni siga mo dou solia vei au.
31 Vsoro 17.15 “Dou na noqu tamata tabu. Mo dou kakua talega ni kania na lewe ni manumanu sa dresulaki mai veikau; dou biuta ga ki na koli.
Who We AreWhat We EelieveWhat We Do
2025 by iamachristian.org,Inc All rights reserved.
