Osea Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala TaumadaA sa vunau voli ko Osea na parofita ena matanitu ni vualiku kei Isireli, ni oti na gauna i Emosi na parofita, ena dua na gauna dredre sara ni bera na vakarusai i Samaria ena yabaki 721 BSK. A sa kauwai vakalevu ko Osea ena vuku ni nodra qaravi kalou matakau na tamata kei na nodra sa sega ni yalodina vua na Kalou. E vakaraitaka nai yaloyalo ni bula ni tawa vakabauta oqo ko Osea ena nona dusimaka na bula kavoro ni nona matavuvale mai vua na watina sa sega ni dau yalodina ki na nodrau bula vakawati. Me vaka ga na nona sa vuki tani ko Komera ka sega ni yalodina vua na watina, sa vaka ko ya na nodra sa vuki tani na tamata ka sega ni yalodina vei Jiova na nodra Kalou. Ena vuku ni ka oqo, sa tau kina na cudru vei Isireli. Ia e muri, sa dau yaco ga na nona loloma tawa yalani na Kalou vei ira na nona tamata, ena dau vakalesui ira tale mai na nona tamata ki vua ka vakadeitaka tale na nodra veiwekani. Na loloma oqo sa vakaraitaka ena vosa sa veilauti sara vakaoqo: Au na laivi iko vakaevei, Ifereimi? Au na soli iko yani vakaevei, Isireli? Au na soli iko vakaevei mo tautauvata kei Atima? Sa duatani mai na yaloqu e lomaqu, sa tubu sara mai na noqu dauloloma. (11.8)Na Lewe ni VolaNa bula vakawati i Osea kei na nona vuvale 1.1—3.5

Nai tukutuku me baleta na nodra ca na Isireli 4.1—13.16

Nai tukutuku ni veivutuni kei na vosa ni yalayala 14.1-9