Same 110 - Ai Vola Tabu (Vakadewa Makawa Vakavoutaki 2021)（FRV21）

Na Kalou kei na Nona Tui Digitaki A nei Tevita. A Same.

1Sa kaya ko Jiova vua na noqu Turaga,

“Mo dabe tiko e na ligaqu i matau,

ka me'u vakamalumalumutaki ira mada na nomu meca mei tutu-ni-yavamu.”

2Ena dodoka ko Jiova

nai titoko ni nomuni kaukauwa mai Saioni.

Mo ni lewa e na kedra maliwa na nomuni meca!

3O ira na nomuni tamata era na via vakacabori ira mei madrali

e nai ukuuku ni yalosavasava e na siga ni nomuni kaukauwa;

era na lewe vuqa na nomuni cauravou

ka lailai na mata ni tegu mai na kete ni mataka.

4 Ipe 5.6; 6.20; 7.17,21 Sa bubului oti ko Jiova

ka na sega ni veisautaka na lomana,

“Ko iko na bete tawa mudu

me vaka nai lesilesi i Melikiseteki.”

5O koya na Turaga sa tiko e na yasa ni ligamu i matau;

ena vakarusai ira na tui e na siga ni nona cudru.

6Ena lewa na veimatanitu ko koya,

ena vakaosoya na veitikina e na yagodra era sa moku;

ena vuetaka na nodra tui na vanua e vuqa.

7Ena gunu mai na wai drodro e na sala;

ena ta cake tale kina ko koya.