2 Timoci Nai Vakamacala Taumada - Ai Vola Tabu (Vakadewa Makawa Vakavoutaki 2021)（FRV21）

Nai Vakamacala Taumada Nai Karua ni Vola i Paula vei Timoci e volai vakalevu koto kina na veivakasala eso me baleti Timoci, me vaka ni o koya e dua nai tokani gone sara ka dauniveivuke i Paula e na veiqaravi vakalotu. Na ulutaga e vakabibitaki vakalevu kina na vosota vakadede. A sa vakasalataki ka vakayaloqaqataki ko Timoci me vakayacora ena yalodina na nona vakadinadinataki Jisu Karisito, ka me taura matua nai vakavuvuli dina ni Tukutuku Vinaka kei nai Veiyalayalati Makawa ni Vola Tabu. Sa vakasalataka talega me vakayacora na nona i tavi me vaka na qasenivuli kei na dauveivakalotutaki, ia me yalodina ga ena kena vakayacori oqo ena maliwa ni veika rarawa kei na nona saqati.Sa vakasalataki vakabibi ko Timoci me baleta na leqa ena yacovi koya kevaka e vakaitavi ena veileti lialia ka tawa yaga (2.23) sa sega ni vakatubura e dua na ka vinaka, ia sa veivakaleqai ga vei ira era sa rogoca.Ena ka kece oqo, a sa vakananumi tale kina ko Timoci ena i vakarau ni bula nei koya sa vola nai vola oqo vata kei na nona i naki — na nona vakabauta, yalo vosota, dauloloma, vosota vakadede, kei na rarawa e dausotava ena gauna ni veivakacacani vakalotu.Na Lewe ni VolaNai vakamacala taumada 1.1-2

Na veivakacaucautaki kei na veivakamasuti 1.3—2.13

Na veituberi kei na vakasala 2.14—4.5

Nai tuvaki ni veika e yacovi Paula 4.6-18

Na kenai tinitini 4.19-22