Jeremaia 52 - Ai Vola Tabu (Vakadewa Makawa Vakavoutaki 2021)（FRV21）

Na Rawai kei na Vakacacani nei Jerusalemi(2 Tui 24.18—25.7)

1Sa ruasagavulu ka dua na yabaki i Setekaia ni sa buli ko koya me tui, a sa yabaki tini ka dua na nona lewa tiko mai Jerusalemi. Ia na yaca i tinana ko Emutali, na luve i Jeremaia na kai Lipina.

2A sa caka ca ko koya e na mata i Jiova, me vaka na ka kecega sa cakava ko Jioiakimi.

3Ia sa yaco kina ki Jerusalemi kei Juta na cudru i Jiova, ka sa biuti ira tani kina e matana, ka sa talaidredre tiko ko Setekaia vua na tui Papiloni.

4 Isi 24.2 A sa yaco e nai kaciwa ni yabaki ni nona lewa, e nai katini ni vula, e nai katini ni siga ni vula, sa lako mai ko Nepukanesa na tui Papiloni, kei na nona mataivalu kecega, ki Jerusalemi, a ra mai tiko kina me ra kaba, ka ra tara na kena vale ni valu me vakavolivolita.

5A sa buku na druadrua ni koro ka yacova nai katini kadua ni yabaki i Setekaia.

6Ia e nai kava ni vula, e nai kaciwa ni siga ni vula, sa ka levu sara na viakana e na koro, a sa sega na kedra madrai na lewe-ni-vanua.

7Isi 33.21Sa qai basuki na koro, ia ko ira kece na tamata i valu era sa dro, ka lako tani mai na koro e na bogi e na sala mai na matamata-ni-koro e na maliwa ni bai ruarua, mai na nona were na tui; (ia ko ira na kai Kalitia, era sa tiko vakavolivolita na koro). Ka ra sa muria na sala vaka ki na buca.

8Ia na nodra mataivalu na kai Kalitia era sa cicimuri koya na tui, ka vauci Setekaia e na buca mai Jeriko; a ra sa veiseyaki tani vua na nona mataivalu kecega.

9A ra sa taura na tui, ka kauti koya cake vei tui Papiloni ki Ripila e na vanua ko Emaci; a sa lewai koya mai kea ko koya.

10Ia ko tui Papiloni, sa vakamatei iratou na luve i Setekaia e matana, sa vakamatei ira kece talega na turaga ni Juta ko koya mai Ripila.

11Isi 12.13Ia sa leuta tani ko koya na mata i Setekaia; ka vesuki koya e na sinucodo, ka kauti koya ki Papiloni, ka vakacurumi koya ki na valeniveivesu ka yacova na siga ni nona mate.

Na Vakarusai ni Vale i Jiova(2 Tui 25.8-17)

12Ia e nai kalima ni vula, e nai katini ni siga ni vula—oqori na kenai katinikaciwa ni yabaki ni lewa i Nepukanesa na tui Papiloni—sa qai lako mai ko Nipusaretani, na kavetani ni valu i vakatawa, sa qaravi tui Papiloni, ki Jerusalemi,

131Tui 9.8a sa vakama na vale i Jiova, kei na nona vale na tui; kei na vale kece mai Jerusalemi, kei na nodra vale kece na turaga, sa vakama ko koya e na bukawaqa.

14Ia na nodra i valu kece na kai Kalitia, era tiko vata kaya na kavetani ni valu i vakatawa, era sa basuka sobu na bai kei Jerusalemi kecega e na veiyasana.

15Ia ko Nipusaretani na kavetani ni valu i vakatawa, sa kauta vakabobula eso na tamata dravudravua, kei na kena vo ni tamata era tiko e na koro, kei ira era sa vuki, era vuki vua na tui Papiloni, kei na kena vo ni lewe vuqa.

16Ia eso na tamata dravudravua ni vanua sa laiva ko Nipusaretani na kavetani ni valu i vakatawa, me ra dausamaka na veivaini ka dauteivaka na qele.

17 1Tui 7.15-47 Ia na duru parasa ka tu e na vale i Jiova, kei na kenai tutu kei na taqe levu parasa sa tu e na vale i Jiova, sa voroka ga ko ira na kai Kalitia, ka kauta na kena parasa kecega ki Papiloni.

18Ia na kuro, kei nai sivi, kei nai koti ni cina, kei na beseni, kei nai taki, kei nai yaya parasa kecega, era sa daucakacaka kina, era sa kauta tani talega.

19Ia na beseni, kei na sedre ni dravusa, kei na dari, kei na kuro, kei nai tutu-ni-cina, kei nai taki, kei na bilo; na kena koula ni yaya koula, kei na kena siliva ni yaya siliva, sa kauta tani ko koya na kavetani ni valu i vakatawa.

20A duru ruarua, e dua na taqe levu, ka tinikarua na bulumakau parasa sa toka e na vu ni tutuna, ka cakava ko Solomoni e na vale i Jiova, ia sa sega ni kilai rawa na kena bibi ni parasa ni yaya kece oqo.

21Ia sa tini kawalu na kiupiti na kena cecere e dua na duru, ia na wa sa tinikarua na kiupiti sa kena vakavolivolita ka veimama na kiupiti na kena vavaku; a sa vakalomalomana.

22A sa dua na kena domodomo parasa e delana; ia na kena balavu e dua na domodomo sa lima na kiupiti, a sa vaka na lawa kei na vua ni pomekaraneti sa ceuti vakavolivolita, ia sa parasa kecega oqo. Ka sa vaka talega kina nai karua ni duru kei na kena vua ni pomekaraneti.

23Ia na vua ni pomekaraneti e na yasana vava sa ciwasagavulu ka ono; na vua ni pomekaraneti kecega e volita na daku ni lawa sa dua na drau.

Era sa Kau na Juta ki Papiloni(2 Tui 25.18-21,27-30)

24Ia na kavetani ni valu i vakatawa sa kauti Siraia na bete levu, kei Sefanaia nai karua ni bete, kei iratou tolutolu nai vakatawa-ni-katuba;

25ia sa kauta tani ko koya mai na koro e dua na vakailesilesi sa lesi me vakaraici ira na tamata i valu; ka lewe vitu na tamata vei ira na nona i tokani na tui, eratou sa kune e na koro; kei na nona vunivola na turaga-ni-valu, o koya ka dauvakasoqona na lewe-ni-vanua; ka lewe onosagavulu na tamata vei ira na lewe-ni-vanua, era tiko e loma ni koro.

26Ia ko ira oqo, sa kauta ko Nipusaretani na kavetani ni valu i vakatawa, a sa kauti ira kivei tui Papiloni ki Ripila.

27A sa mokuti ira ko tui Papiloni, ka vakamatei ira mai Ripila e na vanua ko Emaci. Sa kau tani vakabobula vakaoqo ko ira na Juta mai na nodra vanua.

28Ko ira na tamata oqo sa kauta tani vakabobula ko Nepukanesa, e nai kavitu ni yabaki e lewe tolu na udolu ka ruasagavulu ka tolu na Jiu;

29e nai katinikawalu ni yabaki i Nepukanesa sa kauta tani vakabobula mai Jerusalemi ko koya e lewe walu na drau ka tolusagavulu ka rua;

30e nai karuasagavulu ka tolu ni yabaki i Nepukanesa sa kauta tani vakabobula ko Nipusaretani na kavetani ni valu i vakatawa e lewe vitu na drau ka vasagavulu ka lima vei ira na Jiu; ko ira na tamata kecega oqo era lewe va na udolu ka ono na drau.

31Ia e nai katolusagavulu ka vitu ni yabaki ni nona vakabobulataki ko Jioiakini na tui Juta, e nai katinikarua ni vula, e nai karuasagavulu ka lima ni siga ni vula, sa qai vueti Jioiakini na tui Juta ko Ivili-mirotaki na tui Papiloni, e nai matai ni yabaki ni nona lewa, ka kauti koya mai na valeniveivesu.

32Ka sa vosa vinaka vua, ka vakatikora na nona i tikotiko me liu e na nodra i tikotiko na tui era tiko kaya mai Papiloni,

33ka sa vakaisosomitaka na nona i sulu ni valeniveivesu. Ka sa kania na kena e matana e na veisiga kece ni nona bula.

34Ia sa dua na kenai votavota kakana sa solia vua ko tui Papiloni e na veisiga kecega ni nona bula ka yacova na siga sa mate kina.