1Ni sa oti na veika oqo, a sa malumu na cudru i Asuerosi na tui, sa qai nanumi Vasiti ko koya, kei na ka sa cakava ko koya, kei na ka sa lewai e na vukuna.
2Sa qai kaya ko ira na nona tamata na tui era sa dauqaravi koya, “Me vakasaqarai mada eso na goneyalewa tabu-tagane me nomuni na tui.
3Ka me lesia ko koya na tui eso na tamata e na veiyasana kecega ni nona matanitu, me ra vakasoqona vata na goneyalewa tabu-tagane matavinaka kecega ki Susa na koro vakaturaga, ki na nodra vale na yalewa, me vakatawai ira ko Ikai, na nona mata na tui, ko koya sa dauvakatawai ira na yalewa, ka me soli vei ira na nodra ka ni sasauni.
4Ia na goneyalewa sa vinakata na tui me ranadi, mei sosomi kei Vasiti.” A sa vinaka vua na tui na ka oqo, ka sa kitaka vakakina.
5Sa tiko mai Susa na koro vakaturaga e dua na Jiu, na yacana ko Motekai, na luve i Jairi ka tagane, na luve i Semeai ka tagane, na luve i Kisi ka tagane, na Penijamini;
62Tui 24.10-16; 2Vei 36.10ko koya ka kau tani vata mai Jerusalemi kei ira na bobula era a vakabobulataki vata kei Jekonaia na tui Juta, ko koya ka kauta tani ko Nepukanesa na tui Papiloni.
7Ia ko koya oqo sa susugi Etasa, ko ya ko Esiteri, na luve i tamana lailai, ni sa sega na tamana se tinana. A sa matavinaka ka rairai vinaka na goneyalewa ko ya, ia ni sa mate na tamana kei tinana, sa susugi koya me luvena ko Motekai.
8A sa yaco, ni sa rogo nai vakaro ni tui kei na nona sau, a sa soqoni vata ki Susa na koro vakaturaga ko ira na goneyalewa era lewe vuqa, me vakatawai ira ko Ikai, sa qai kau talega ko Esiteri ki na vale-ni-tui, me vakatawai koya ko Ikai, ko koya sa dauvakatawai ira na yalewa.
9A sa vinakata na goneyalewa oqo ko koya, a sa caka vinaka vua. A sa solia sara vua na nona ka ni sasauni, kei nai vakarau ni kena kakana, kei na le vitu na goneyalewa sa kilikili me soli vua mai na vale-ni-tui, ka sa lewa me tiko ko koya kei iratou na nona goneyalewa e na tikina vinaka duadua e na nodra vale na yalewa.
10Ia sa sega ni vakatakila ko Esiteri se yalewa ni vei se ko cei na wekana, ni sa vakaroti koya ko Motekai me kakua ni tukuna.
11A sa daulako voli e na veisiga kecega ko Motekai e na mata ni bai ni nodra vale na yalewa, me kila se sa vakaevei ko Esiteri, kei na ka sa yaco vua.
12A ra sa veitaravi na yalewa kecega ka me ra dui curu yadua vua na tui ko Asuerosi, ni ra sa tiko mada ka vula tinikarua, me vaka na kenai valavala vei ira na yalewa, (ni sa oti vakakina na nodra siga ni ukucavutaki, ka me ono na vula e na waiwai mura, ka ono na vula e nai saluaki boi vinaka, kei na veika me ra ukucavutaki kina na yalewa).
13Era sa qai curu vakaoqo vua na tui ko ira yadua na goneyalewa, a ka kece sa gadreva ko koya sa soli vua me kauta vata kaya mai na nodra vale na yalewa ki na vale-ni-tui.
14Sa lako e na yakavi, ka lesu mai e na mataka ki nai karua ni nodra vale na yalewa, sa vakatawa kina ko Seasikasi, na nona mata na tui, ko koya ka vakatawai ira na watina lalai. Sa sega tale ni lesu tale vua na tui ko koya, kevaka sa sega ni vinakati koya na tui, ka sa cavuti na yacana.
15Ia ni sa yaco na siga me curu vua na tui ko Esiteri na luve i Epaieli na tamana lailai i Motekai, ko koya ka susugi koya me luvena, sa sega ni taroga e dua na ka, oqori ga ka lesia ko Ikai na nona mata na tui, ko koya sa dauvakatawai ira na yalewa. A sa taleitaki Esiteri ko ira kecega era sa raici koya.
16Ni sa kau yani ko Esiteri vua na tui ko Asuerosi e na vale-ni-tui e nai katini ni vula, na vula ko Tipeci, e nai kavitu ni yabaki ni nona lewa,
17a sa ka levu sara na nona taleitaki Esiteri na tui, ka lailai vei ira kecega na yalewa tani; a sa vinakati koya ka lomani koya vakalevu cake vei ira kecega na goneyalewa, ka sa vakaisalataki koya kina e nai sala vakaranadi, ka buli koya me ranadi mei sosomi kei Vasiti.
18Sa qai cakava ko koya na tui e dua na magiti levu vei ira kecega na nona tamata turaga kei ira na nona tamata—“Na magiti kei Esiteri.” A sa vakaceguya na veiyasana, ka soli ka-ni-loloma, me vaka sa dausolia vakaturaga na tui.
Sa Vakavotuya ko Motekai na Bukiveretaki ni Tui19Ia ni sa qai soqoni vata vakarua ko ira na goneyalewa, sa qai tiko ko Motekai mai na matamata-ni-koro ni tui.
20Ia sa sega ni tukuna na wekana ko Esiteri se na nona kawa tamata, me vaka ka vakarota vua ko Motekai; ni sa muria nai vakaro i Motekai ko Esiteri, me vaka e na gauna ka susugi tiko kina vua.
21E na gauna oqori, ni sa tiko mai na matamata-ni-koro ni tui ko Motekai, erau sa cudru e lewe rua vei iratou na nona mata na tui, io e le rua vei iratou sa vakatawa na katuba, ko Pikicani kei Teresi, a rau sa segata me rau vakamatea na tui ko Asuerosi.
22Ka sa kila ko Motekai, a sa tukuna ko koya vei Esiteri na ranadi; ka sa vakatakila vua na tui ko Esiteri nai tukutuku i Motekai.
23Ia ni sa qaqai na ka oqo, sa kilai; a rau sa vakalilici ruarua e na kau. A sa volai e matana na tui e nai vola ni veika sa caka.
Who We AreWhat We EelieveWhat We Do
2025 by iamachristian.org,Inc All rights reserved.
