2 Samuela 5 - Ai Vola Tabu (Vakadewa Makawa Vakavoutaki 2021)（FRV21）

Buli ko Tevita me Tui ni Vanua Taucoko e Isireli

1A ra sa lako mai kivei Tevita ki Epironi ko ira na veiyavusa kecega ni Isireli, a ra sa kaya, “Ni raica, sa suimuni kei na lewemuni dina koi keimami.

2E na gauna eliu, ni se neimami tui kina ko Saula, sai kemuni ga ka kauti ira yani ka kauti ira tale mai na Isireli. Ka sa kaya vei kemuni ko Jiova, ‘Ko iko ko na vakatawai ira na noqu tamata na Isireli, ka ko na veiliutaki vei ira na Isireli.’ ”

3A ra sa lako mai kina vua na tui ki Epironi ko ira kecega na qase ni Isireli. A sa veiyalayalati kei ira ko koya na tui ko Tevita mai Epironi e na mata i Jiova, ka ra sa lumuti Tevita me nodra tui na Isireli.

4

21Ka ra sa biuta mai kea na nodra matakau ko ira na kai Filisitia, ka sa kauta tani ko Tevita kei ira na nona tamata.

22A ra sa lako cake tale ko ira na kai Filisitia, ka ra sa yatuni tu e na buca ko Refeimi.

23Ni sa vakatarogi Jiova ko Tevita, a sa kaya ko koya, “Mo kakua ni lako cake; mo gole wavokiti ira ga mai dakudra, ka valuti ira ni ko sa donuya na veivuni-baka.

24Ia ni ko sa rogoca na rorogo ni tayabe e na tuvuka ni veivuni-baka oqori, mo qai vakarau; ni sa liutaki iko yani ko Jiova me mokuta na nodra mataivalu na kai Filisitia.”

25A sa kitaka vakakina ko Tevita me vaka sa vakarota vua ko Jiova, ka sa mokuti ira kina na kai Filisitia mai Kipa ka yaco sara ki Keseri.