Sakaraia 2 - Ai Vola Tabu (Vakadewa Makawa Vakavoutaki 2021)（FRV21）

Ai Katolu ni Raivotu: Na Tamata kei na Wa i Vakarau

1Au a qai ta cake, me'u vakaraica, ka raica, sa dua na tamata, sa taura e dua na wa i vakarau.

2Au a qai kaya, “O sa lako kivei?” A sa kaya vei au ko koya, “Me'u vakarautaki Jerusalemi, me'u kila na kena raraba, kei na kena balavu.”

3Ka raica, sa lako yani na agilosi keirau sa veivosaki kaya, ka sa dua tale na agilosi sa mai tavaki koya,

4ka kaya vua, “Mo cici, ka vosa vua na cauravou oqori, ka kaya, ‘Ena tawa ko Jerusalemi me vaka na koro sa sega ni vakabai, e na vuku ni kena levu ni tamata kei na manumanu ena tiko kina.

5Ia sa kaya ko Jiova, koi au ka'u na yaco me'u kena bai bukawaqa e vakavolivolita, me'u kenai ukuuku talega kina.’ ”

A Kerekere vei Ira na Tiko Vakabobula

6Mai! Mai, koi kemudou! Dou dui dro mai na vanua ni vualiku, sa kaya ko Jiova; ka ni ka'u a vakasevi kemudou vaka na cagi vava kei lomalagi, sa kaya ko Jiova.

7Mai! Dro ki Saioni, ko iko ka tiko kaya na goneyalewa ni Papiloni.

8Ni sa kaya vakaoqo ko Jiova-ni-lewevuqa: Sa liu mai nai ukuuku sa qai talai au e muri ko koya ki na veimatanitu sa vakacacani kemudou; ia ko koya sa tarai kemudou sa tara na loa ni matana:

9“Io, raica, au na dulaka na ligaqu vei ira, era na kau mei toki-ni-valu vei ira ka nodra bobula. Ia dou na qai kila ni sa talai au mai ko Jiova-ni-lewevuqa.

10Mo sere ka marau, na goneyalewa ni Saioni! Raica, ka'u na lako mai koi au me'u tiko e na kemudou maliwa, sa kaya ko Jiova.

11Ia na lewe ni veimatanitu e vuqa ena musuki ira vei Jiova e na siga ko ya, ka yaco me noqu tamata. Au na tiko talega e na kemudou maliwa, ia dou na kila ni sai Jiova-ni-lewevuqa sa talai au mai vei kemudou.

12Ia ko Jiova ena taukeni Juta me sa nona i votavota e na vanua tabu, ka na digitaki Jerusalemi tale.”

13Dou tiko lo na tamata kecega e na mata i Jiova, ni sa tucake ko koya mai na nona i tikotiko tabu.