1Kemuni, na Kalou, a cava ko ni sa biuti keimami laivi kina ka sega ni mudu?
A cava e kubou kina na nomuni cudru vei ira na sipi ni nomuni vanua veico?
2Mo ni nanumi ira na nomuni soqosoqo, ko ni a volia eliu,
na yavusa ni nomuni vanua, ko ni a vakabula.
Na Ulunivanua ko Saioni oqo, ko ni a dautiko kina.
3Me kusarawa mai na yavamuni ki na veivakarusai sa sega ni mudu;
ki na ka kecega sa vakacacana na meca e nomuni vale tabu.
4Era sa qoqolou na nomuni meca e na kedra maliwa na nomuni soqosoqo;
era sa vakaduria na nodra i vakatakilakila mei vakatakilakila.
5Sa rogo eliu na tamata ni sa laveta
na matau me dauta kau lelevu.
6Ia oqo, na cakacaka sa ceuti
era sa qai basuka sobu vata e na matau kei nai tukituki.
7Era sa vakama na nomuni vale tabu e na bukawaqa;
era sa vakacacana nai tikotiko ni yacamuni,
ni ra sa talaraka sobu ki na qele.
8Era sa kaya e lomadra, “Me da vakarusai ira vata”;
era sa vakama oti na veivanua ni soqoni kecega ni Kalou e na vanua.
9Keimami sa sega ni raica tiko na neimami vakatakilakila;
sa sega tale e dua na parofita,
ka sa sega e dua vei keimami e kila se na vakaevei na kena dede.
10A cava na kena dede, na Kalou, ni na vosa ca tiko na meca?
Ena sega beka ni mudu na nodra vosacataka tiko na yacamuni na meca?
11A cava ko ni sa vakasuka tale kina na ligamuni, io, na ligamuni matau;
Mo ni cavuta tale mai na lomaseremuni ka vakarusai ira?
12Ia na Kalou sa noqu Tui mai liu,
sa ia tiko na veivakabulai e vuravura.
13 Lako 14.21 O ni a wasea na wasawasa e nomuni kaukauwa;
o ni a bola na uludra na tovuto e loma ni wai.
14 Jope 41.1; Same 104.26; Aisea 27.1 O ni a bola vakalalai na ulu i livaiacani,
ka solia me kedra kakana era tiko mai na vanua lala.
15O ni a wasea na mataniwai kei na uciwai;
o ni a vakadiva na uciwai sa drodro vakaukauwa.
16Sa nomuni na siga, ka sa nomuni talega na bogi;
o ni a vakarautaka na rarama kei na mata-ni-siga.
17O ni a lesia nai yalayala kecega kei vuravura;
o ni a lesia na vula i katakata kei na vula i liliwa.
18I Jiova mo ni nanuma na ka oqo, ni sa vosavakacaca na meca,
ka ra sa beca na yacamuni ko ira na tamata lialia.
19Kakua ni solia yani na yalona na nomuni ruve ki na nodra i soqosoqo nai valavala ca;
mo ni kakua ni guilecava tikoga nai soqosoqo ni nomuni tamata dravudravua.
20Mo ni nanuma na vosa ni yalayala,
ni sa robota na veiyasana butobuto kei vuravura na nodra veivale na dauveivakararawataki.
21Me ra kakua ni lesu tale ka vakamaduataki ko ira era vakacacani;
me ra dui vakavinavinaka ki na yacamuni ko ira na rarawa kei na dravudravua.
22Mo ni tucake, na Kalou, mo ni veileti e na vukumuni;
mo ni nanuma ni sa vosavakacataki kemuni e na veisiga na tamata lialia.
23Mo ni kakua ni guilecava na domodra na nomuni meca,
sa lako cake tikoga na nodra ue era tucake me veivala kei kemuni.
Who We AreWhat We EelieveWhat We Do
2025 by iamachristian.org,Inc All rights reserved.
