1Oi kemudou na wekaqu, me kakua ni lewe vuqa vei kemudou mei vakavuvuli, ni dou sa kila eda na lewai vakalevu cake nai vakavuvuli.
2Ni da sa cala kecega e na ka e vuqa. Kevaka sa sega ni cala e dua e na vosa, sa tamata uasivi sara ko koya, ka sa rawarawa vua me tarova na yagona taucoko.
3Raica, kevaka eda sa vakaciqira na kedrai tarovi na ose ki na gusudra, me ra talairawarawa kina vei keda, eda sa qai saumaka na yagodra taucoko.
4Raica talega na waqa, ni sa ka levu vakaidina, a sa savu kalia e na cagi kaukauwa, ia sa saumaki ga e na dua nai uli lailai sara ki na yasana e vinakata ko koya sa taura nai uli.
5Sa vaka talega kina na yameda ni sa tikida lailai ga, a sa vosa vakaviavialevu.
Raica, sa vakacaudreva na buka levu na bukawaqa lailai!
6Ia sa bukawaqa na yameda, a ka taucoko ni ca. Sa vakakina na yameda e na veitiki ni yagoda taucoko, a sa vakacaudreva nai valavala kecega ni yagoda, ka sa vakacaudreva oqori ko Eli.
7Ni sa vakamanoataki na manumanu kecega e yavai va, kei na manumanu vakatabana, kei na ka sa qasi, kei na ka ni waitui, a sa vakamanoataki ira tu ko ira na tamata,
8ia ka sa sega na tamata sa vakamanoataka rawa na yame—a ka ca sa sega ni tarovi rawa, sa sinai e na ka gaga e dauveivakamatei.
9Vteki 1.26Eda sa vakavinavinaka kina vua na Turaga ko Tamada; eda sa rukaki ira talega kina na tamata, era sa buli me tautauvata kei na Kalou.
10Sa vu mai na gusu e dua bauga, na vakavinavinaka kei na veirukaki. Oi kemudou na wekaqu, e sega ni dodonu me vakakina na veika oqo.
11E dua beka na mata-ni-wai sa vakadavea mai na matana e dua bauga na wai dranu kei na wai gaga talega?
12Oi kemudou na wekaqu, sa dua beka na lolo sa vuataka rawa na olive, se dua li na vaini me vuataka na lolo? Sa sega vakakina ni dua na mata-ni-wai me tovure mai kina na waitui kei na wai dranu.
Na Vuku mai Cake13O cei vei kemudou sa vuku ka yalomatua? Me vakatakila e nai valavala vinaka na nona cakacaka e na vuku sa yalomalua.
14Ia kevaka sa tu e na lomamudou na dauvuvu e gaga kei na dauveiba, dou kakua ni vakalevulevui kemudou, se lasutaka nai vakavuvuli dina.
15A vuku vaka ko ya sa sega ni lako sobu mai cake, sa vakavuravura ga, sa vakayago, sa vakatevoro.
16Io, kevaka sa tu na vuvu kei na veiba, sa tu kina na veisei kei na cakacaka kecega e ca.
17Ia na vuku mai cake sa savasava mada, e muri sa dauia na veivakacegui, sa yalomalua, sa vakamasuti rawarawa, sa sinai e na loloma kei na vua vinaka, sa sega ni digitaki ira vakatani na tamata, se dauveivakaisini.
18Ia na vua ni valavala dodonu sa kaburaki vata kei na veivakacegui vei ira era sa ia tiko na veivakacegui.
Who We AreWhat We EelieveWhat We Do
2025 by iamachristian.org,Inc All rights reserved.
