1A sa kaya vei Mosese ko Jiova, “Mo lako vei Fero; ni'u sa vakaukauwataka na lomana, kei na lomadra na nona tamata, me'u cakava kina na noqu i vakatakilakila oqo e na kedra maliwa,
2ka mo tukuna talega kina e daligadra na luvemu kei na makubumu na veika ka'u a kitaka mai Ijipita, kei na noqu i vakatakilakila ka'u sa cakava e na kedra maliwa—mo dou kila kina ni sai au ko Jiova.”
3A rau sa lako vei Fero ko Mosese kei Eroni, ka rau sa kaya vua, “Sa vosa vakaoqo ko Jiova na nodra Kalou na Iperiu, ‘A cava na kena dede ni nomu bese tiko ni vakayalomalumalumutaki iko vei au? Mo laivi ira na noqu tamata me ra lako, me rawa ni ra la'ki qaravi au.
4Ni kevaka ko sa bese ni laivi ira na noqu tamata me ra lako, raica, e na mataka ka'u na kauta mai na vodre ki na nomu vanua.
5Era na robota na dela ni vanua, me kakua ni raici rawa na vanua. Era na kania na ka sa vo ka bula tiko, o koya sa vakavoca vei kemuni na uca-cevata, ka kania na kau kecega sa tubu mai na vanua me kemudou.
6Ena oso kina na nomu veivale, kei na nodra veivale kecega era qaravi iko, kei na nodra veivale na kai Ijipita kecega—a ka oqo era se sega ni bau raica na tamamuni se ko ira na tubumuni mai na gauna era a tiko kina e dela i vuravura ka yacova mai na siga oqo.’ ” A sa qai vuki ko koya, ka lako tani mai vei Fero.
7A ra sa kaya vei Fero ko ira na nonai vakalesilesi, “A cava na kena dede me vakavuna tiko na ca vei keda na tamata oqo? Mo ni laivi ira na tamata me ra lako, me ra la'ki qaravi Jiova na nodra Kalou; ko ni sa sega tiko beka ni kila ni sa vakarusai ko Ijipita?”
8A rau sa mani kau lesu tale mai kina vei Fero ko Mosese kei Eroni, ka sa kaya vei rau ko koya, “Ni lako, ka la'ki qaravi Jiova na nomuni Kalou! Ia ko cei soti li me ra lako?”
9A sa kaya ko Mosese, “Keimami na lako vata kei ira na neimami lalai kei ira na neimami qase; keimami na lako vata kei ira na neimami gonetagane kei na neimami goneyalewa, kei na neimami qele ni sipi kei na neimami qele ni bulumakau, baleta ni keimami na la'ki ia na solevu vei Jiova.”
10A sa kaya vei rau ko koya, “Me qai tiko vakaidina kei kemuni ko Jiova, kevaka me'u na laiva mo ni lako vata kei ira na nomuni lalai! Sa qai macala sara oqo, ni sa tiko vei kemuni eso nai naki ca.
11E segai, me kakua ni vaka ko ya! Mo ni lako ga na tamata bula ka la'ki qaravi Jiova, ni sai koya ga oqori na ka drau sa kerea.” A rau sa qai vakasavi tani mai na mata i Fero.
12A sa qai kaya vei Mosese ko Jiova, “Mo dodoka yani na ligamu me donuya na vanua ko Ijipita, me lako mai na vodre, me ra lakova na vanua ko Ijipita ka kania na co kecega ni vanua, io na ka kecega sa vakavoca na uca-cevata.”
13A sa dodoka na nona i titoko ko Mosese vaka ki na vanua ko Ijipita, ka sa kauta mai na cagi mai na tokalau ko Jiova me liwava na vanua e na siga taucoko ko ya kei na bogi taucoko; ia ni sa kida na mataka, sa qai kauta mai na vodre na cagi mai na tokalau.
14Vtaki 9.2,3A sa robota na vanua taucoko ko Ijipita na vodre, ka tawana na veivanua kecega mai Ijipita. Era ka rerevaki sara, ka sega na vodre e tautauvata kaya eliu, ena sega talega me tautauvata e muri.
15Era sa robota na dela ni vanua taucoko, ka sa butobuto kina na vanua; ka ra sa kania vakaoti na co ni vanua, kei na vuanikau kecega sa vakavoca na uca-cevata. A sa sega na ka drokadroka sa vo e na veikau, se na veico e na vanua taucoko ko Ijipita.
16Sa qai kusarawa ko Fero ka kacivi Mosese kei Eroni, ka sa kaya, “Au sai valavala ca vei Jiova na nomudou Kalou, vei kemudrau talega.
17Ia mo drau lomani au vakadua ga oqo ka vosota mada na noqu i valavala ca, ka mo drau masuti Jiova na nomudrau Kalou me kauta tani vei au na mate ca oqo.”
18A sa lako tani vei Fero ko koya, ka masuti Jiova.
19A sa veisautaka na cagi ko Jiova me cagi mai na ra e kaukauwa sara, ka sa kauta tani na vodre, ka biuta ki na Wasa Damudamu; sa sega ni vo e dua na vodre e na veivanua kecega mai Ijipita.
20Ia sa vakaukauwataka na loma i Fero ko Jiova, ka sa sega kina ni laivi ira na Isireli me ra lako.
Nai Kaciwa ni Mate Ca: Na Butobuto21A sa kaya vei Mosese ko Jiova, “Mo dodoka na ligamu vaka ki lomalagi, me yaco mai na butobuto e na vanua ko Ijipita, io me ra vakayayamo voli kina.”
22Same 105.28; Vtaki 16.10A sa dodoka na ligana vaka ki lomalagi ko Mosese, ka sa yaco na butobuto loaloa e na vanua taucoko ko Ijipita ka bogi tolu.
23Era sa sega ni veiraici, ka sa sega e dua na tamata sa tucake mai na nona tikina, ka bogi tolu; ia sa tiko ga na rarama e na nodra veivale kecega na Isireli.
24A sa qai kacivi Mosese ko Fero, ka kaya, “Mo ni lako, ka la'ki qaravi Jiova. Me ra tiko ga mai na nomuni sipi kei na nomuni bulumakau. Sa rawa ni ra lako talega kei kemuni na nomuni lalai.”
25Ia sa kaya ko Mosese, “Mo ni solia talega vei keimami nai soro kei nai soro kama, me keimami vakacabora vei Jiova na neimami Kalou.
26A neimami manumanu talega e dodonu me na lako vata kei keimami; ena sega ni vo e dua na ququ ni manumanu, ka ni so vei ira oqo keimami na digitaka me qaravi kina ko Jiova na neimami Kalou, ni keimami se sega ni kila mada oqo na ka me keimami qaravi Jiova kina, ia keimami na qai kila ni keimami sa yaco ki na vanua ko ya.”
27Ia sa vakaukauwataka na loma i Fero ko Jiova, ka sa bese kina ni laivi ira me ra lako.
28A sa kaya vua ko Fero, “Mo lako tani vei au! Qarauni iko, mo kakua tale ni raica na mataqu, ni ko na mate ga e na siga ko sa raica kina na mataqu.”
29A sa kaya ko Mosese, “Sa donu vinaka na nomuni vosa! Au na sega ni raica tale vakadua na matamuni.”
Who We AreWhat We EelieveWhat We Do
2025 by iamachristian.org,Inc All rights reserved.
