Jona 4 - Ai Vola Tabu (Vakadewa Makawa Vakavoutaki 2021)（FRV21）

Na Cudru i Jona kei na Yaloveivosoti i Jiova

1Ka sa cata vakalevu ko Jona, ka sa cudru sara.

2Lako 34.6A sa masu vei Jiova, ka kaya, “Kemuni Jiova, sai koya ga oqo ka'u a kaya ni'u a tiko e na noqu vanua, se segai? Sai koya talega oqo ka'u a dro vakatotolo kina ki Tasisi; ni'u a kila ko ni sa Kalou daulomasoli, ka yalololoma, ka cudru vakamalua, ka dauyalovinaka, ka sa dauveivutuni e na vuku ni ca.

31Tui 19.4Ia oqo ga, kemuni Jiova, au masuti kemuni kina mo ni kauta tani vei au na noqu bula; ni sa vinaka me'u mate ka ca me'u bula.”

4Sa qai kaya ko Jiova, “E vinaka beka vei iko mo cudru?”

5Sa qai lako ki nai bili ni koro ko Jona, ka tiko e na yasa ni koro vaka ki na tokalau, a sa cakava mai kea e dua na nona vale vakacevaceva, ka tiko sobu ki rukuna, ka me raica mada se cava ena yacova na koro.

6A sa vakarautaka na Kalou ko Jiova e dua na bele, a sa vakatubura me vakarurugi Jona, mei vakaruru ni uluna, me cegu kina ko koya mai na nona rarawa; ka sa reki vakalevu ko Jona e na vuku ni bele.

7Ia ni sa kida cake na mataka ni siga ka tarava, a sa lewa na Kalou me mai kania na bele e dua na yavato, ka sa malai kina.

8Ni sa cadra na mata-ni-siga, sa vakatubura na Kalou e dua na cagi tokalau katakata, ka sa kania na ulu i Jona na siga, ka sa malumalumu kina ko koya, ka gadreva sara me mate. A sa kaya, “E vinaka cake ga me'u mate ka ca me'u bula tiko.”

9Sa qai kaya vei Jona na Kalou, “E vinaka li vei iko mo cudru e na vuku ni bele?” A sa kaya ko koya, “E vinaka me'u cudru, io, me'u cudru ka mate sara kina.”

10Sa mani kaya ko Jiova, “O iko ko sa lomana na bele, na ka ko a sega ni oca kina, ka ko sega ni vakatubura, ia ka sa tubu ga e na bogi dua ka malai e na bogi dua.

11Ka me'u kakua li ni lomani Ninive, na koro levu ko ya, ka ra sa tiko kina e le dua na drau ka ruasagavulu na udolu na tamata era sega ni kila rawa na ligadra i matau mai na ligadra i mawi, ka sa levu talega kina na manumanu?”